Roma 14:10 - U Maganda A Baheta Ni Jesu-Cristo

¹⁰ Kanya dyan mo hatulan oni sestiyán u kapatkákka mo ni Cristo. Dipo hikitam a atanan ay umatubang tu Diyos, sakay siya u manghatul ni u ginimet tam ay maganda oni madukás.

Roma 14:10 ပူးပေါင်းရင်းမြစ်များ

Mateo 7:1

Sakay kinagi pa ni Jesus “Dyan moy hatulan u kapareho moy tánni awan kam mahatulan nu Diyos.

Lukas 18:9

Kinagi ni Jesus iye a talinhaga tu tolay hide a u pangisip de tu sadile de ay mágkalinis, pero imemenos di la be u agum a tolay.

Lukas 23:11

Dipo ti iye ay sineste sakay ininsulto siya ni Herodes sakay u sundalo na hide. Binaduwan de siya ti pang hare a damit bilang pangseste di nikuna, kattapos ay pinasole di siya ni Pilato.

Juan 5:22

Awan humatul u Ama tu maskin deyaman. Inyatád na tu Anak u atanan a kapangyariyan a maghatul

Gimet 10:42

Sakay inutusan na kame a mangaral tu tolay hide, sakay mángpatunay a siya u inlaan nu Diyos a magin tagapaghatul tu biyag hide sakay tu nágkatay dán hide.

Gimet 17:31

Dipo intakda na dán u aldew nu paghatul ti munduway sakay gimitán na iye a tehhod a katarungan tu pamamag-itan nu essa a tolay a pinile na. Pinatunayan na itod nikuna biyagán na a huway i tolayan itod!”

Gimet 4:11

Ti Jesus, u gusto a kagiyán nu sumássulat tu Banal a Kasulatan a, ‘U bito a inadiyan nu mágtolnák hide ti bilay, ay siya u nagin pinaka pundasyon a bito.’

Roma 2:16

Mangyare iye tu aldew a hatulan nu Diyos u atanan a sekreto nu tolay, tu pamamag-itan ni Jesu-Cristo, ayun tu Maganda a Baheta a itáttoldu ko.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.