Roma 12:8 - U Maganda A Baheta Ni Jesu-Cristo

⁸ ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

Roma 12:8 ပူးပေါင်းရင်းမြစ်များ

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Gimet 13:12

Summampalataya u gubernador nikuna netan na u nangyare sakay minagtaka siya tu intoldu di Bernabe tungkul tu Panginoon.

Gimet 13:15

Káttapos a mabasa u sangan a parte nu libro nu Kautusan sakay tu prupeta hide, ay kinagi nide nu puno hide nu sinagoga, “Kákkapatkákka ko hide, ni tehhod kam a makagi a makapagpabegsak tu tolay hide ay kagiyán moy dán!”

Gimet 15:32

Sakay di Judas sakay ti Silas a prupeta be ay makpal a intoldu tu mánnampalataya hide a nangpabegsak tu isip de sakay nángpatibay tu pánnampalataya de.

Gimet 20:2

Sakay immangay siya tu banu-banuwan ti Macedonia a nagtoldu sakay pinayuwan na u mánnampalataya hod hide a magpakatatag. Káttapos ay nagtulos siya ti Grecia.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Roma 13:6

Ina be u dahilan ni bakin magbayad kitam ti buwes. Dipo u pinuno hide ay tagapagserbi nu Diyos sakay inyatád de u buo a panahun tu pángtupad tu tungkulin de.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

1 Corinto 14:3

Pero u mágpahayag tu upos nu Diyos ay tu tolay u pángkagiyan na tán lumagu u pánnampalataya de sakay pabegsákkán u isip de tán sumaya hide.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

2 Corinto 8:12

Dipo ni kusang-luub u pángngatad moy, tanggapán nu Diyos u ánya man a kaya moy a meatád; awan nakam pagagiden tu awan nikam.

2 Corinto 9:11

Pasaganaán nakam tu atanan a bagay para lalu kam a makatulung tu agum. Tu pamamag-itan moy ay kumakpal u magpasalamat tu Diyos dipo tu tulung moy a iyangay ko nide.

2 Corinto 9:13

U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

2 Corinto 9:7

U balang essa ay dapat mangatád ayun tu kagustuwan na sakay tehhod a kasayaan bakán a napilitan la, dipo mahal nu Diyos u mangatád ti kusa a te kasayaan.

Efeso 6:5

Hikam a alipin hide, sunudán moy u amo moy hide a tehhod a pággalang, ánteng sakay katapatan a kumán be ati Cristo u pinagserbiyan moy.

Colosas 3:22

Alipin hide, sunudán moy tu atanan a bagay u amo moy ti lutaáy. Te maketa man oni awan, magtrabaho kam, bakán a para kasayaan kam nu tolay nan dipo tapat kam sakay te ánteng tu Panginoon.

1 Tesalonica 2:3

U impakapospos me nikam ay awan kakabuliyan. Awan kame nagtoldu tánni lokuwán mikam la, oni pagustuwan u madukás a gimet.

1 Tesalonica 2:8

Dipo grabi ti kadakál u págmahal me nikam ay inlaan mi dán u sadile me tu pángpakapospos me nikam tu Maganda a Baheta. Sakay bakán la a ina, nan iyalay mi pa u biyag me alang-alang nikam dipo mahal mikam a tahod.

1 Timoteo 4:13

Mentaras a awanák palla hina ay basaán mo u Kasulatan tu atubang nu katolayan sakay itulos mo u pangngaral mo nide sakay palagi mo hide a tolduwan.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Hebreo 10:25

Sakay diyan tam kalimunan u pákpagipun-ipun a konna tu agum a nakalimon dán. Nan pabegsákkán tam u isip nu balang essa, lalu dán nadid a ketan tamon a adene dán u káddemát nu Panginoon.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:22

Ipákpágguhon ko nikam, kákkapatkákka hide, a sanigán moy ti maganda u pangaral ko hide nikam dipo apehet la i sulat kuwáy.

Hebreo 13:24

Ikumusta moy kame tu mangasiwa hide nikam sakay tu atanan a kákkapatkákka. Kumustaán kam be nu kákkapatkákka ti Italia.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.