Roma 12:6 - U Maganda A Baheta Ni Jesu-Cristo

⁶ Iba-iba u kakayanan a inyatád nikitam nu Diyos ayun tu habag na, kanya gamitán tam i kaluuban ina hide. Ni u kaluub nu essa a tolay ay págpahayag tu upos nu Diyos, kailangan ipahayag na iye ayun tu pánnampalataya na.

Roma 12:6 ပူးပေါင်းရင်းမြစ်များ

Mateo 23:34

Magpaangayyák nikam ti propeta hide, mágkalalaki a tolay sakay u maisto hide nu Kautusan ni Moises! Bunuwán moy u sangan nide sakay u agum ay ipako moy tu kudus. U agum ay haplitán moy tu sinagoga sakay u agum ay ehyokán moy tu banubanuwan tán madakáp moy.

Mateo 25:22

Ummadeni be u nakaalap ti duwwa a libo sakay kinagi na, ‘Panginoon, sa iye u intád mo nikán a duwwa a libo. Sakay sa be iye u duwwa a libo a tinubo ko.’

Lukas 11:49

Iye be u mangpatunay a tatahoden u kinagi nu Diyos sigun tu Karunungan na, ‘Paangayán ko nide u prupeta sakay u disepulus ko hide a magtoldu tu tolay hide. Pero bunuwán de u agum sakay pasakitan de u agum.’

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Gimet 15:32

Sakay di Judas sakay ti Silas a prupeta be ay makpal a intoldu tu mánnampalataya hide a nangpabegsak tu isip de sakay nángpatibay tu pánnampalataya de.

Gimet 2:17

Kinagi nu Diyos, ‘Tu dimodyan a aldew, ay iyatád ko u Banal a Ispirito ko tu atanan a klase ni tolay. Ibaheta nu anak moy hide a lállake sakay bábbey u upos ko; sakay maketa ti pangitain u anak moy hide a ulito; sakay u mágkatanda hide a lállake ay magkahod hide ti tagináp.

Gimet 21:9

Tehhod siya a áppat a anak a mámmadiket a prupeta.

Roma 1:11

Gusto ko dán be a ketan takam, tánni mabahagiyan tu kaluub hide a ispiritwal para bumegsák kam.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

1 Corinto 12:18

Kaya ngane, ayun tu kagustuwan nu Diyos, indátton na u bawat parte nu bággi tam ayun tu tama a kegamitan nu bawat parte.

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 14:1

Kaya hangadán moy a pirme a mepeta u pagmahal! Hangadán moy a magkahod kam tu kaluub hide a gábwat tu Banal a Ispirito, lalu dán u mángpahayag tu upos nu Diyos.

1 Corinto 14:24

Pero ni magpahayag tu upos nu Diyos u atanan a mánnampalataya sakay dummemát hod u essa a awan mánnampalataya oni tolay a awan palla nakatukoy ay matukuyan na a siya ay makasalanan sakay mabati na u tunay na a kalagayan.

1 Corinto 14:29

Pabayan moy a magupos u duwwa oni tatlo a tolay a tummanggap tu kaluub a makapagpahayag tu upos a gábwat tu Diyos. Sakay suriyán be nu agum u kákkagiyán de.

1 Corinto 3:5

Deya beman ti Apolos? Deyaák beman? Tagapagserbi kami la nu Diyos, ginamit nala tánni maakit kam a manalig ni Cristo. Gággimitán la nu balang essa u tarabaho a tinanggap na tu Panginoon.

1 Corinto 7:7

Gusto ko nakwa a umaheg kam nikán a atanan. Pero bawat essa nikitam ay tehhod a kanya-kanya a kaluub a gábwat tu Diyos, sakay awan iye pare-pareho.

2 Corinto 8:12

Dipo ni kusang-luub u pángngatad moy, tanggapán nu Diyos u ánya man a kaya moy a meatád; awan nakam pagagiden tu awan nikam.

Efeso 3:5

Iye a plano ay awan inpahayag nu Diyos tu tolay hide tu itod, pero impahayag na dán nadid tu banal hide a apostol sakay tu prupeta hide tu pamamag-itan nu Banal a Ispirito.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Filipos 3:15

Dapat konna hina u magin isipan tam bilang mágkatatag dán ti pánnampalataya. Ni bakán be a konna hina u isip moy ay ipakapospos iye nikam nu Diyos.

1 Tesalonica 5:20

Dyan moy baliawanan u adal a gábwat tu Diyos.

2 Pedro 1:20

Higit tu atanan, ay dapat moy a tandaan, a atanan nu insulat nu prupeta hide tu Kasulatan ay awan gábwat tu sadile di la a karunungan oni pákkaintendi.