Roma 12:5 - U Maganda A Baheta Ni Jesu-Cristo

⁵ konna labe nikitam a manampalataya. Makpal kitam, pero nabuo kitam tu eessa a bággi ni Cristo, sakay balang essa ay parte nu kada essa.

Roma 12:5 ပူးပေါင်းရင်းမြစ်များ

Juan 17:11

Sakay nadid ay soliyák dán niko, iwahak ku dán i munduwáy, pero hide ay manatile hide he ti munduwáy. Ama a Banal, bantayan mu ped hide tu pamamag-itan nu kapangyariyan nu ngahan mo, a inyatád mo nikán, tán magin essa hide a konna nikita.

Roma 12:4

Ni kodya a u bággi ay makpal a parte sakay bawat parte ay tehhod a kanya-kanya a tarabaho,

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

1 Corinto 12:20

U tatahoden ay mákpal a parte, pero nabuo iye ti essa la a bággi.

1 Corinto 6:15

Awan moy beman tukoy a parte kam nu bággi ni Cristo? Kaya ni hikán u bággi ko a kabahagi nu bággi ni Cristo ay talaga awan ko iduhog tu bággi nu belyas? Awan itod maare!

Efeso 1:23

Hikitam a mánnampalataya hide u kumán a bággi ni Cristo, dipo atanan a hed ni Cristo ay hod nikitam. Siya u mangatád ti biyag tu atanan a bagay siya ay hod tu atanan a lugar.

Efeso 4:12

Ginimet na iye tánni ihanda tu págserbi u pinile na hide tánni lumagu sakay tumatag hide bilang bággi ni Cristo.

Efeso 4:25

Kanya adággen moy dán u págbule-bule sakay u tatahoden u ikagi moy tu kákkapátkákka moy hide dipo kabilang kitam tu eessa a bággi.

Efeso 5:23

Dipo u lállake u ulo nu kabanga na, konna ni Cristo a ulo sakay tagapagligtas nu mánnampalataya hide a bággi na.

Efeso 5:30

dipo hikitam ay bahagi nu bággi ni Cristo.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

Colosas 2:19

Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.