Roma 12:2 - U Maganda A Baheta Ni Jesu-Cristo

² Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 12:2 ပူးပေါင်းရင်းမြစ်များ

Mateo 13:22

U bine be a neangay nadid tu kasaetan ay kaparehu na u essa a tolay a nakasaneg sakay tummanggap tu upos nu Diyos pero dipo nailongan siya nu kákkabalisa tu biyag sakay tu linlang nu kayamanan ay awan nakabunga u pánniwala na.

Markos 4:19

pero dipo tu kabalisaan ti biyag, págmahal tu pilak, oni kákkasoh tu sari-sare a bagay, u Upos nu Diyos ay nawan tu puso de kanya awan iye nagbunga.

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 15:19

Ni kaguman kam tu taga-mundu hide ay mahalán dikam. Pero awan di kam kaguman, dipo pinile takam he ti munduway para awan kamon magin konna nide. Kanya u mundu ay maiyamut nikam.

Juan 17:14

Intoldu ku dán nide u upos mo. Tunay u ingál nu taga-mundu hide nide, dipo awan dán hide makamundu a konna nikán a bakán a makamundu.

Juan 7:7

Awan kam kaiyamutan nu tolay hide ti munduway, pero hikán ay kaiyamutan de, dipo inpeta ko nide a madukás u gimet de.

Roma 12:1

Kanya ngane kákkapatkaka ko hide, kinagbiyan kam nu Diyos kaya mákpágguhunák nikam. Nadid a biyag kam palla, iparehu moy u biyag moy tu essa a alay a awan ti kapintasan a iyatád moy tu Diyos para págserbi nikuna mentaras biyag kam. Iye u makapangpasaya nikuna. Sakay iye u tatahoden a págsamba moy nikuna.

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 7:12

U Kautusan ay gábwat tu Diyos, kanya iye ay banal matuwid sakay maganda.

Roma 7:14

Tukoy tam a u Kautusan ay maganda dipo gábwat tu Banal a Ispirito nu Diyos. Pero hikán ay makamundu, sakay alipin nu kasalanan.

Roma 7:22

Buo a pusowák a masaya tu Kautusan nu Diyos.

1 Corinto 3:19

Dipo u karunungan ti munduwan iye ay awan ti kabuluhan tu pangileng nu Diyos. Konna he u nakasulat tu Kasulatan, “Ekhutan nu Diyos u mágkalalake hide tu kalalakiyan di labe.”

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 5:17

Dyan kam umaheg tu mangmang hide. Nan tukuyán moy ni ánya u kaluuban nu Panginoon a gimitan moy.

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

Colosas 3:10

sakay impalit moy dán u bigu moy a pagkatolay. Tulos-tulos iye a mabagu sakay magin kahupa nu Diyos a nanglalang nikam, tánni mas lalo moy siya a matenggi.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Tesalonica 4:3

U gusto la nu Diyos ay magin banal kam sakay umadeyo tu atanan a klase a kadukássan.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

1 Pedro 1:14

Bilang anak a masássunudán, ay dapat dyan kam magpaalipin tu mágkadukás a kagustuwan nu pilas konna tu gággimitán moy tu itod nikuna a awan moy palla tukoy u Diyos.

1 Pedro 1:18

Tukoy tam dámbe ni ánya u nangtubus na nikitam tu date tam a biyag a awan ti pinagseserbiyan a mana tam palla tu nuno tam hide. U nangtubus na nikitam ay bakán a ginto oni pilak a masida sakay maubus.

1 Pedro 2:3

Dipo kinagi na tu Kasulatan, “Naranasan moy dán u kabaitan nu Panginoon.”

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

1 Juan 3:13

Kanya kákkapatkákka, dyan kam magtaka ni kaiyamutan kam nu tolay hide ti munduway.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.