Roma 12:19 - U Maganda A Baheta Ni Jesu-Cristo

¹⁹ Mahal ko hide, dyan kam gumante. Ipaubaya moy ina tu Diyos. Dipo kinagi nu Panginoon tu Kasulatan, “Hikán u gumante, hikán be u magparusa.”

Roma 12:19 ပူးပေါင်းရင်းမြစ်များ

Mateo 5:39

Pero kagiyán ku nikam nadid a dyan kam gumante tu tolay a nanggimet nikam ti madukás. Nan ni te mangdapang niko ay ipadapang mu pa u dilupot.

Roma 12:14

Ipagdasal moy tu Diyos a pagpalaán u tolay hide a mangsásseste nikam. Pagpalaán moy hide bakán a sumpaán.

Roma 12:17

Dyan moy gantiyan ti madukás u maggimet hide ti madukás nikam. Magsikap kam a mabiyag ti marangal.

Roma 13:4

Dipo u pinuno hide tu banuwan ay tagapagserbi hide nu Diyos para tu kapiyyaan tam. Pero ni maggimet ka ti madukás, dapat ka a manteng dipo tehhod hide a kapangyariyan a mangparusa niko. Hide u tagapagserbi nu Diyos a magparusa tu maggimet hide ti madukás.

Efeso 4:27

tánni awan moy maatádden ti pagkakataun ti Satanas.

1 Tesalonica 4:6

Ni sunudán moy iye a adal ay awan dán ti mangagew nikam tu kákkabanga nu deyaman a kapareho na a tolay, lalu dán tu kabanga nu essa a tolay a kapareho na a mánnampalataya tu Diyos. Inpangaral mi dán nikam tu itod, a parusaan nu Diyos u deyaman a manggimet ti iye a kadukássan.

2 Timoteo 4:14

Grabi't dukás u ginimet nikán ni Alejandro a mágpanday. U Panginoon dálla u bahala a magparusa nikuna tu ginimet na nikán.

Hebreo 10:30

Dipo matengge tam u nagkagi ti konna he, “Hikán u gumante sakay hikán u magparusa.” Sakay kinagi na pa, “Hatulan nu Panginoon u tolay na hide.”