Roma 12:18 - U Maganda A Baheta Ni Jesu-Cristo

¹⁸ Ni maare la nakwa, mákpággagum kam ti mapayapa tu atanan a tolay.

Roma 12:18 ပူးပေါင်းရင်းမြစ်များ

Mateo 5:24

iwahak mu padla u alay mo tu atubang nu pággalayan sakay angay ka pa mákpagkasundu nikuna. Káttapos ay maari ka dán a sole a magalay.

Mateo 5:5

Pinagpala nu Diyos u awan hide mapagmataas, dipu hide u makaalap tu atanan a inpanantu nu Diyos.

Mateo 5:9

Pinagpala nu Diyos u tagaayus tu magdima hide, dipo hide u madulawan a anak nu Diyos.

Markos 9:50

Maganda u asen, pero ni mawanan ti lasa ay tumablal dán, pakodyaán pa a pasoliyán u asen na? Konna bi hod nikam, dapat magin konna kam tu asen a makatulung tu tolay, tulungan moy u bawat essa támpara magin maayus u pamággagum moy.”

Roma 1:15

Sa ina u dahilan ni bakin gugusto ko a ipangaral be hina ti Roma u Maganda a Baheta.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 14:19

Kanya pilitán tam a gimitán a palagi u bagay hide a makapangatád ti kapayapaan sakay makapángpatibay tu balang essa.

1 Corinto 7:15

Pero ni masoh a máksina u awan mánnampalataya tu kabanga na, pabayan moy siya a máksina. Tánni u lállake oni u bábbey a mánnampalataya ay malaya dán. Dipo dinulaw kitam nu Diyos tu mapayapa a biyag.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Efeso 4:3

Pagsikapan moy a mapanatile u págkakaessa moy a gábwat tu Banal a Ispirito tu pamamag-itan nu mapayapa moy a pákpággagum.

1 Tesalonica 5:13

Igalang moy hide ti husto sakay pakamahalán dipo tu tarabaho de nikam. Mamággagum kam ti maayus sakay mapayapa.

2 Timoteo 2:22

Kaya iwasan mo u mágkadukás hide a hilig nu kabataan. Sikapán mo a gimitán u tama, magin matapat sakay mapagmahal. Sakay mabiyag ka ti mapayapa a kaguman nu tolay hide a mágdasal tu Diyos ate malinis a puso.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

1 Pedro 3:11

Dapat kam a magbagu tu mágkadukás moy hide a gimet, pagsikapan moy a maggimet ti maganda sakay mabiyag ti mapayapa.