Roma 12:13 - U Maganda A Baheta Ni Jesu-Cristo

¹³ Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Roma 12:13 ပူးပေါင်းရင်းမြစ်များ

Mateo 25:35

Dipo hikán ay nagaláp pero pinakan moy, nauwaw pero pinainom moy. Hikán ay nagin dayo tu banuwan moy tapos pinatulosák moy ti maganda.

Gimet 10:4

Ináeleng na siya sakay grabi u ánteng na a tummábbeg, “Ánya itod, Panginoon?” Tummábbeg u anghel, “Sinaneg nu Diyos u dasal mo hide sakay nasaya siya niko tu káttulung mo tu mágkahirap hide.

Gimet 4:35

sakay u pilak a naglakuwan de ay inyatád de tu apostol hide. Sakay inyatád be iye nu apostol hide tu te kailangan hide.

Roma 12:8

ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

1 Corinto 16:15

Nadid, kákkapatkákka ko hide, tukoy moy a u pamilya ni Estefanas u kadipalonguwan a Kristiyano ti Acaya; sakay inlaan de u sadile de tu págserbi tu pinile hide nu Diyos. Ipákpágguhon ko nikam,

2 Corinto 9:1

Nadid, awan ku dán kailangan a magsulat pa nikam tungkul tu káttulung tu kákkapatkákka hide ti Jerusalem.

2 Corinto 9:12

U káttulung moy tu kákkapatkákka hide ay bakán la a pángsuporta tu pangangailangan de, nan magin dahilan pa nu awan ti kahád a págpasalamat de tu Diyos.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Tito 1:8

Nan masaya a magpatulos, magággustuwán tu mágkaganda a gimet, mahinahun, matapat siya a mákpággagum tu kapareho na, sumássunud tu Diyos sakay te págpugad ti sadile.

Tito 3:14

Sakay tolduwan mo u kákkapatkákka tam hide a Kristiyano hina a ilaan de u sadile de tu pággimet ti maganda a makatulung tu ánya man a kailangan para u biyag de ay te pagserbiyan.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Pedro 4:9

Tanggapán moy ti maayus u kákkapatkákka tam hide ni tumulos hide tu bilay moy.

1 Juan 3:17

Ni ketan nu te anggen a tehhod a kailangan u kapatkákka na sakay awan na iye tinulungan ay kodya na a makagi a mahal na u Diyos?

3 Juan 1:5

Mahal ko a amigu, u págserbi mo tu kákkapatkákka tam hide sakay maski u awan mo hide matenggi ay nangpatunay a matapat ka.