Roma 12:10 - U Maganda A Baheta Ni Jesu-Cristo

¹⁰ Magmahalan kam bilang mátkaka ni Cristo sakay pahalagaan moy u agum higit tu págpahalaga moy tu sadile moy.

Roma 12:10 ပူးပေါင်းရင်းမြစ်များ

Mateo 20:26

Pero bakán a konna hina u dapat a mangyari nikam. Nan, ni deya man nikam u masoh a magin mataas ay dapat siya u magserbi.

Lukas 14:10

Pero ni tehhod niko a nangakit ay piliyán mo u pággetnudan a awan marangal tánni ni umadene u nangakit niko ay kagiyán na a, ‘Barkada, he kahe a mággetnod ti marangal lay a pággetnudan.’ Tánni ketan nu atanan a tolay a marangal ka.

Juan 15:17

Kanya sa iye u utus ko nikam: magmahalan kam.”

Juan 17:21

Ama ipagdasal ko niko, a nakwa magin essa hide a atanan a konna nikita. Ni kodya ka a hod nikán sakay hodák be niko, nakwa hide ay hod nikita, para maniwala u taga-mundu hide a hiko u nangpaangay he nikán.

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

Roma 13:7

Kanya iyatád moy u dapat a iyatád. Magbayad kam tu buwes moy hide, igalang u dapat a igalang, sakay parangalan u dapat a parangalan.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

Colosas 1:4

dipo nabaheta me u pánnampalataya moy ni Cristo-Jesus sakay u págmahal moy tu atanan a pinile nu Diyos,

1 Tesalonica 4:9

Nadid, tungkul dámman tu págmahal para tu kákkapátkákka, awan kamon dapat a paalaalaan dipo intoldu dán nikam nu Diyos ni kodya kam a magmahalan.

2 Tesalonica 1:3

Kákkapatkákka me hide, lagi kame a magpasalamat tu Diyos dipo nikam. Dapat mila iye a gimitán, dipo tulos-tulos la u kállagu nu pánnampalataya moy ni Cristo, sakay mas pa u págmahal moy tu balang essa.

Hebreo 13:1

Nadid, tulos-tulos kam a magmahalan bilang mátkaka ni Cristo.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 2:17

Igalang moy u atanan a tolay sakay mahalán u kákkapatkákka tam ni Cristo. Mabiyag kam a tehhod a ánteng tu Diyos sakay tehhod a pággalang tu Hare.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”

2 Pedro 1:7

u pagkamaka-Diyos ay dagdagen moy ti págmalasakit tu kákkapatkákka hide ni Cristo; sakay tu págmalasakit ay dagdagen moy ti págmahal.

1 Juan 4:11

Mahal ko hide a kákkapatkákka, dipo konna hod ti kadakál u págmahal nikitam nu Diyos, dapat magmahalan kitam be.

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?