Roma 11:25 - U Maganda A Baheta Ni Jesu-Cristo

²⁵ Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 11:25 ပူးပေါင်းရင်းမြစ်များ

Mateo 13:11

Tinábbeg na hide “Impakapospos nu Diyos nikam u sekreto nu Kahariyan na pero awan na ipakapospos nide.

Lukas 21:24

U agum ay matay hide ti áttak, sakay u agum ay dakáppan sakay ipereso tu iba-iba a bansa. Sakay sakupán nu Hentil hide u banuwan a Jerusalem hanggan matapos u panahun a netakda.”

Juan 10:16

Tehhodák palla a agum a tupa a awan ti kudaláy. Kailangan ko be hide a pasaddapan sakay sanigan de u boses ko. Tu konna hod ay magin essa dan hide a gurupo sakay te essa hide a pastol.

Roma 1:13

Mahal ko hide a kákkapatkákka, gusto ko a matukuyan moy ni sanganák dán a beses a mággagayakán pero tehhod la a hadlang. Gusto ko a umangay hina tánni tehhodák be a maakit ti pánnampalataya ni Cristo, konna tu ginimet ko tu bakán hide a Judio tu lugar hide a inangayan ko.

Roma 11:12

Nadid, ni u kássuway nu Judio hide sakay u awan de págtagumpay a matanggap u kaligtasan ay nakapangatád ti págpapala tu Hentil hide a tu buo a mundu, sakodya pa wád a kadakál u págpapala a meatád ni makompleto dán u buo a bilang nu Judio hide a manampalataya ni Cristo?

Roma 11:24

Dipo ni hikam a pinget nu olibu a timmubu tu talon ay nekabit tu naalagaan a olibu maski ni awan iye karanyuwan a gággimitán, mas magaan a ikabit a huway nu Diyos u pinget hide a kináttol a gábwat tu date na a ponan.

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

Roma 9:18

Kanya kahabagen nu Diyos u gusto na a kahabagen sakay paigáttán na ti ulo u gusto na a paigáttán.

1 Corinto 10:1

Nadid, kákkapatkákka ko hide, gusto ko a maala-ala moy u nangyare tu nuno tam hide a simmunud ni Moises. Linenduman hide nu diklám tu nilakad de sakay tu káahabes tu Madideg a Diget.

1 Corinto 12:1

Nadid, kákkapatkákka, u ipaliwanag ko nikam ay tungkul tu kaluub hide nu Banal a Ispirito. Gusto ko a malinaw iye hide a bagay nikam.

1 Corinto 2:7

Pero u ipáppangaral me ay u lihim a karunungan nu Diyos a nelihim tu itod pero intalaga na iye para tu kapuriyan tam, bagu pa a lalangán i munduwáy.

1 Corinto 4:1

Nadid, dapat u pangileng moy nikame ay tagapagserbi ni Cristo sakay katiwala a mángpahayag tu upos nu Diyos a date a awan ti makatukoy.

Efeso 1:9

Dipo gusto na a maintendiyan tam u sekreto a plano nu Diyos, a mehayag tu pamamag-itan ni Cristo,

Efeso 3:9

Sakay ipaliwanag tu atanan ni kodya a mangyare u plano nu Diyos. Iye a sekreto ay nalay a panahun a inlihim nu Diyos a nanglalang tu atanan a bagay,

Efeso 4:18

Sakay awan hide ti pang-intendi. Dipo awan hide ti tukoy sakay mágkaigát u ulo de, awan hide ti bahagi tu biyag a impagkaluub nu Diyos.

2 Pedro 3:8

Pero dyan moy nakwa kali-kalimunan, mahal ko hide a kákkapatkákka: a tu Panginoon, u essa a aldew ay kumán a sanglibu a taon, sakay u sanglibu a taon ay kumán la a saldew.

Pahayag 1:20

Iye u gusto a kagiyán nu pitto a biton a netan mo a táttawed ko tu kawanan ko a kamát sakay u pitto a págtupuwan ti simbuwan a ginto: u pitto a biton ay u anghel hide nu pitto a gurupo nu mánnampalataya. Sakay u pitto be a págtupuwan ti simbuwan a ginto ay u pitto a gurupo nu mánnampalataya hide.”

Pahayag 10:7

Ni patánnugán dán nu kapitto a anghel u trumpeta na ay igimet dán nu Diyos u lihim na a plano, konna tu impahayag na tu tagapagserbi na hide a prupeta.”

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 7:9

Káttapos ni iye ay netan ko u tunay ti kakpal a tolay a maskin deya ay awan ti makabilang! Gábwat hide tu bawat bansa, lahe, banuwan, sakay bawat upos. Mágtaknág hide tu atubang nu trono sakay nu Tupa, a nakabadu ti mapudew sakay te táttawed a palaspas.