Roma 11:22 - U Maganda A Baheta Ni Jesu-Cristo

²² He tam a ketan u kabaitan nu Diyos sakay ni sakodya siya a kahigpit a maghatul. Mahigpit na a hatulan ti parusa u magkasala hide nikuna. Pero mabait siya nikam ni manatile kam tu kabaitan na, pero ni awan, ay káttulán na kam be.

Roma 11:22 ပူးပေါင်းရင်းမြစ်များ

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Juan 15:2

Káttulán na u balang pinget a awan magbunga sakay linisan na u balang pinget a magbunga para mas lalu pa iye a magbunga.

Juan 8:31

Nadid ay kinagi ni Jesus tu tolay hide a maniwala nikuna, “Ni tulos-tulos kam a sumunud tu itáttoldu ko ay tatahoden a tagasunud takam.

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Roma 11:21

Dipo ni nagimet nu Diyos a káttolán u tatahoden a pinget hide, magimet na be a káttolán kam.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

1 Corinto 15:2

Tu pamamag-itan ni iye ay naligtas kam, ni masibát kam a maniwala tu upos a impangaral ko nikam, maliban dálla ni awan talaga tunay u kássampalataya moy.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

1 Tesalonica 3:5

Kaya ngane, nikuna a awanák dán makatiis ay nangutusák ti umangay hina tánni ilingán ni kumusta dán u pánnampalataya moy tu Panginoon. Mabalisaák bakay ni nalinlang kamon ni Satanas, ay ni mara konna hod i mangyariyay ay mawanan ti serbi u pángngaral me.

1 Tesalonica 3:8

Gimmaganda u bábbatiyán me dipo tu págtulos-tulos moy a pagin matatag ti pánnampalataya.

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

1 Juan 2:19

Maski ni date tam hide a kaguman pero awan tam hide kaessa. Dipo ni talaga a kaessa tam hide ay kakaguman tam nakwa hide nadid. Pero summina hide, kanya nángpeta la a awan tam hide talaga a kaessa.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.