Roma 11:21 - U Maganda A Baheta Ni Jesu-Cristo

²¹ Dipo ni nagimet nu Diyos a káttolán u tatahoden a pinget hide, magimet na be a káttolán kam.

Roma 11:21 ပူးပေါင်းရင်းမြစ်များ

Roma 11:17

U Judio hide ay konna tu essa a ponan nu kayo a olibu a kináttol u sangan tu pinget na hide. Sakay hikam a bakán a Judio ay konna tu pinget hide nu olibu a timmubu tu talon a inkabit bilang kapalit tu kináttol a pinget hide. Kanya nakinabang kam tu págpapala nu Diyos a para tu Judio hide.

Roma 11:19

Maare a kagiyán moy a, “Kináttol hide para hikame u mekabit.”

Roma 11:20

Tatahoden ina. Kináttol hide dipo awan hide sumampalataya ni Cristo, sakay hikam ay inkabit dipo nanampalataya kam nikuna. Kanya dyan kam magmadakál, nan magkahod kam ti ánteng.

Roma 11:22

He tam a ketan u kabaitan nu Diyos sakay ni sakodya siya a kahigpit a maghatul. Mahigpit na a hatulan ti parusa u magkasala hide nikuna. Pero mabait siya nikam ni manatile kam tu kabaitan na, pero ni awan, ay káttulán na kam be.

Roma 8:32

Ni u sadile na a Anak ay awan na inkemot ni awan inyatád na nikitam, siguradu a iyatád nabe nikitam u atanan a bagay.

Judas 1:5

Maskin tukoy moy dán iye hide a atanan ay gusto ko la a ipaisip nikam, a maski ni inligtas nu Panginoon u lahe a Israel ti Egipto ay pinuksa na padi u atanan a awan summampalataya nikuna.