Roma 11:14 - U Maganda A Baheta Ni Jesu-Cristo

¹⁴ Tu pamamag-itan ni iye ay baka sakale la a mapasene ko u kapareho ko hide a Judio tánni sumampalataya u sangan nide sakay maligtas.

Roma 11:14 ပူးပေါင်းရင်းမြစ်များ

Roma 10:19

Iye pa u essa ko a tanung: awan beman nakaintendi u bansa a Israel? Tu itod pa ay tinábbeg dán iye ni Moises: “Paseniyán takam tu bakán hide a Israelita. Paiyamután takam dipo ipeta ko u kagbi ko tu tolay hide a awan makatengge nikán.”

Roma 11:11

Nesángdul u Judio hide dipo awan hide simmampalataya ni Cristo. U gusto na beman a kagiyán ay tulos dán a mepahamak u Israel? Awan! Pero dipo tu kássuway de ay nagkahod ti pagkakataun u Hentil hide a maligtas. Sakay dipo hod ay sinumene u Judio hide sakay gustuwán di be i kaligtasanan iye.

Roma 9:3

para tu kabanuwan ko hide a Judio. Ni maare la nakwa ay hikán dálla u sumpaán nu Diyos sakay mehiwalay ni Cristo para la a maligtas hide.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

1 Corinto 10:33

Magporsigiyák a mapasaya u atanan a tolay tu gággimitán ko; bakán la a u sadile ko a kapiyyaan u áisipán ko nan pate u kapiyyaan nu agum, tánni maligtas hide.

1 Corinto 7:16

Pero ánya tukoy moyay hikam a bábbey hide, bakay hikam i magin dahilanay nu kákkaligtas nu kákkabanga moy? Hikam be a lállake hide, ánya tukoy moyay, bakay hikam i magin dahilanay nu kákkaligtas nu kákkabanga moy?

1 Timoteo 1:15

Tatahoden iye a pahayag kaya dapat a paniwalaan nu atanan: Dimmemát ti lutaáy ti Jesu-Cristo para iligtas u makasalanan hide. Sakay hikán u pinakamadukás tu atanan.

1 Timoteo 2:4

Gugustu na a maligtas u atanan a tolay sakay makatukoy tu tatahoden,

1 Timoteo 4:16

Bantayan mo u sadile mo sakay u págtoldu mo. Magtiyaga ka a magtulos-tulos a gimitán iye hide a bagay, tánni maligtas ka sakay u atanan nu nágsaneg niko.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

Tito 3:5

ay inligtas na kitam, bakán a dipo tu mágkaganda tam hide a gimet nan tu kagbi na la nikitam. Inligtas kitamon nu Diyos a kuman a neenak kitam a huway tu pamamag-itan nu Banal a Ispirito, dipo siya u nanglinis sakay nangatád ti bigu a biyag nikitam.

Filemon 1:12

Pasoliyán ku dán niko ti Onesimo, maski ni ikalungkut ku iye ti husto a kumán a u ipatawed ko niko ay i puso kuwáy.

Hebreo 1:14

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Santiagu 5:20

Dapat moy a matukuyan a u mánggiya tu tolay a makasalanan para iwahak na u makasalanan na a kákkabiyag ay nangligtas tu kaliduwa ni iye tu kamatayan. Sakay siya be u dahilan nu kapatawaden nu makpal a kasalanan ni tolayan itod.