Roma 10:9 - U Maganda A Baheta Ni Jesu-Cristo

⁹ Ni ipahayag mo a ti Jesus ay Panginoon sakay sumampalataya ka ti buo a puso a biniyag siya a huway nu Diyos, ay maligtas ka.

Roma 10:9 ပူးပေါင်းရင်းမြစ်များ

Lukas 12:8

“Sakay kagiyán ko be nikam, ni deya man u awan mángkasanike nikán tu atubang nu katolayan ay awan be siya ikasanike nu Anak nu Tolay tu atubang nu anghel hide.

Juan 9:22

Konna hod u kinagi nu dáddakál hide nu lállake dipo tu ánteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di dán tanggapán tu bilay a págsambaan de.

Gimet 16:31

Kinagi de, “Maniwala ka tu Panginoon Jesus tán maligtas ka, pate u pamilya mo.”

Gimet 2:24

Pero nadid ay biniyag siya a huway nu Diyos sakay inibutan na u kapangyariyan nu kamatayan nikuna dipo awan maare a maghare nikuna u kamatayan.

Gimet 2:32

Iye ay ti Jesus a biniyag nu Diyos a huway, napatunayan me a nabiyag siya a huway dipo netan me.

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Roma 10:10

Dipo imbilang nu Diyos a awan ti kasalanan u tolay a sumampalataya nikuna ti buo a puso. Sakay ni ipahayag na a siya ay sumampalataya, maligtas siya.

Roma 14:11

Dipo nesulat a, “Hikán u Diyos a biyag magpakahanggan, sakay iye u kagiyán ko: U atanan ay lumuhud tu atubang ko, sakay u atanan a tolay ay magpure nikán.”

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Roma 4:24

nan para be nikitam. Nebilang kitam a awan ti kasalanan dipo tu pánnampalataya tam tu Diyos a nangbiyag a huway tu Panginoon tam a ti Jesus.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

1 Corinto 12:3

Kaya gusto ko a matukuyan moy a maski nikan ay awan makagi nu tolay a igággiya nu Ispirito nu Diyos a, “Sumpaán ti Jesus!” Sakay awan be makagi nu maskin deya a, “Panginoon ti Jesus,” ni awan siya igiya nu Banal a Ispirito.

Filipos 2:11

Sakay ipakapospos nu atanan a tolay a ti Jesu-Cristo u Panginoon, para tu kapuriyan nu Diyos Ama.

1 Pedro 1:21

Dipo ni Cristo ay naniwala kamon tu Diyos a nangbiyag a huway nikuna, sakay nangatád nikuna ti kapangyariyan. Kanya u pánniwala moy sakay u pag-asa moy ay katoy tu Diyos.

1 Juan 4:15

U mángpahayag a ti Jesus ay Anak nu Diyos ay katoy tu Diyos sakay katoy be nikuna u Diyos.

2 Juan 1:7

Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo.