Roma 10:3 - U Maganda A Baheta Ni Jesu-Cristo

³ Dipo awan de tukoy ni kodya u pángbilang nu Diyos a awan ti kasalanan u essa a tolay. Nagsikap hide a maggimet ti sadile de a pamamaraan, nan sumunud tu pamamaraan nu Diyos.

Roma 10:3 ပူးပေါင်းရင်းမြစ်များ

Lukas 10:29

Dipo tu pagkasoh nu maisto nu Kautusan a ipeta a tama siya ay tinanung na a huway ti Jesus: “Deya beman kapareho kuway a tolay?”

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Roma 1:17

Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 10:2

Hikán dán u makapangpatunay a magsumikap hide para kasayaan hide nu Diyos, pero male u pángngintendi de.

Roma 10:20

Sakay buo a tapang a kinagi ni Isaias: “Netanák nu awan hide mangehyok nikán. Nagpakilalaák tu tolay hide a awan magtanung nikán.”

Roma 11:7

Ánya nadid? Awan natanggap nu Israelita hide u gusto de a mebilang hide nu Diyos a matuwid. U pinile na la hide u nakatanggap ti iye, pero u agum ay pinaigát na u puso-puso de.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 3:26

Pero nadid pinaangay na he ti Cristo tánni ipeta na a matuwid siya. Dipo ti iye a ginimet na, pinatunayan na a tama siya tu pangturing na a matuwid u sumampalataya hide ni Jesus.

Roma 5:19

Dipo tu kássuway nu essa a tolay makpal a nagin makasalanan. Konna man hod, dipo tu kássunud nu essa a tolay ay makpal a imbilang u Diyos a matuwid.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.