Roma 10:18 - U Maganda A Baheta Ni Jesu-Cristo

¹⁸ Pero u tanung ko, awan palla beman nakasaneg u Israelita hide? Nakasaneg ngane hide! Dipo, te nesulat a konna he, “nasaneg tu atanan a suluk ni munduway u boses de sakay u atanan a kinagi de ay nasaneg tu buo a mundu.”

Roma 10:18 ပူးပေါင်းရင်းမြစ်များ

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Mateo 26:13

Pakatandaan moy: hadya man itoldo u Maganda a Baheta ay kagiyan di be u ginimet na bilang págalaala nikuna.”

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Mateo 4:8

Káttapos ay inyangay dámman siya ni Satanas tu toktok nu essa a malangkaw a buked sakay impeta na nikuna u atanan a babansa ti munduway sakay u kayamanan de.

Markos 16:15

Sakay kinagi nide ni Jesus, “Umangay kam tu buo a mundu sakay ipangaral moy u Maganda a Baheta tu atanan a tolay.

Markos 16:20

U disepulus na hide ay immangay ngani tu iba-iba a lugar sakay nagtoldu. Tinulungan hide nu Panginoon ti itod a gawain. Pinatunayan nu Panginoon tu tolay hide a tahod u impáppangaral de tu pamamag-itan nu pággimet ti makataka-taka a bagay a inpagkaluub na nide. [9 Ummangay u bábbey hide tu kán Pedro sakay tu kaguman na hide, sakay insaysay de u atanan a nakagi nide. 10 Káttapos ay inutusan ni Jesus u disepulus na hide a ipangaral tu atanan a suluk ni munduwáy u banal sakay a awan maglilipas a baheta nu kaligtasan a awan ti kahád.]

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 26:20

U purumero ko a nangaralan ay ti Damasco, káttapos ay ti Jerusalem sakay tu buu a Judea hanggan tu Hentil hide. Inpangaral ko a kailangan hide a magsise sakay magpasakup tu Diyos sakay ipeta de tu gimet de a nagsise dán hide.

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

Roma 1:8

Dipalongo tu atanan ay magpasalamaták tu Diyos tu pamamagitan ni Jesu-Cristo dipo nikam a atanan, dipo mabábbaheta dán u pánnampalataya moy tu buo a mundu.

Roma 15:19

Sakay tu pamamag-itan nu makataka-taka hide a bagay tu kapangyariyan nu Banal a Ispirito. Kanya nebaheta ko u Maganda a Baheta tungkul ni Cristo sapul ti Jerusalem hanggan ti Ilirico.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

1 Tesalonica 1:8

Dipo tu maganda a halimbawa moy ay kimmalat u upos nu Panginoon ti Macedonia sakay ti Acaya. Maske u pánnampalataya moy tu Diyos ay nebaheta be tu atanan a lugar. Kanya ngani awan dán kailangan a magupos kame tungkul nikam.