Roma 10:14 - U Maganda A Baheta Ni Jesu-Cristo

¹⁴ Pero kodya hide a dumulaw ni awan be hide sumampalataya nikuna? Sakay kodya hide a sumampalataya ni awan palla hide nakasaneg tungkul nikuna? Sakay kodya hide a makasaneg ni awan ti mangaral?

Roma 10:14 ပူးပေါင်းရင်းမြစ်များ

Mateo 20:7

‘Awan be ti mangatád nikami ti trabaho,’ tábbeg de. Sakay kinagi na, ‘Ni konna hod, angay kam magtrabaho tu ubasan ko. Upaan ta kam.’

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 9:36

Timmábbeg u lállake, “Ti deya beman siya Panginoon? Kagiyán mo ped nikán para maniwalaák nikuna.”

Gimet 19:2

Sakay tinanung na hide, “Tinanggap moy beman u Banal a Ispirito nikuna sumampalataya kam? Awan palla, awan me pa ngane nasasaneg a tehhod bál a Banal a Ispirito,” kagi de.

Gimet 8:31

Timmábbeg siya, “Kodya ko iye a maintendiyan ni awan ti mángpaliwanag nikán?” Pinasakay na ti Felipe tu kalesa na sakay nágsadát hide a nággetnod.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Efeso 2:17

Sakay immangay he ti Cristo sakay inpangaral na tu atanan u Maganda a Baheta a mangatád ti kapayapaan nikam a Hentil hide a adeyo tu Diyos sakay tu Judio hide a adene nikuna.

Efeso 4:21

Ni talaga sinaneg moy u toldu na sakay natolduwan kam tu katutuhanan a katoy ni Jesus,

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

Tito 1:3

Sakay tu netakda a panahun ay nepakapospos na dán u upos na. Iye ay nepagkatiwala nikán nu Diyos a Tagapagligtas tam para itoldu ayun tu utus na.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Santiagu 5:15

U panalangin a te pánnampalataya ay makapagpapiyya tu te saket, sakay pabegsákkán siya nu Diyos sakay patawadán na ni te kasalanan siya.