Roma 10:12 - U Maganda A Baheta Ni Jesu-Cristo

¹² Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

Roma 10:12 ပူးပေါင်းရင်းမြစ်များ

Gimet 7:59

Mentras bábbatikalán de ti Esteban ay nagdasal siya ti konna he, “Panginoon Jesus, tanggapán mo ispiritu kuwáy.”

Gimet 9:14

Sakay immangay siya ti Damasco wáy, a te karapatan a gábwat tu pupuno nu saserdote hide, para dakáppán u atanan a summampalataya niko.”

Roma 14:9

Iye u dahilan ni bakin natay sakay nabiyag a huway ti Cristo, tánni magin Panginoon siya nu biyag hide sakay nu patay hide.

Roma 15:12

Kinagi be ni Isaias, “Tem meenak tu lahe ni Jesse para maghare tu bakán hide a Judio, siya u asaan de.”

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 15:47

U kadipalonguwan a tolay ay gábwat tu luta, pero u kaduwwa a tolay ay gábwat ti langet.

2 Corinto 8:9

Dipo tukoy moy ni sa kodya ti kadakál u págmahal nu Panginoon tam a ti Jesu-Cristo, a maski mayaman siya ay nagin mahirap tánni yumaman kam tu pamamag-itan nu pagka-mahirap na.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:4

Pero kinagbiyan kitam nu Diyos sakay minahal na kitam ti husto.

Efeso 2:7

Ginimet na iye para tu dumemát a panahun ay mepeta na u awan masukat sakay awan mapantayan a habag sakay págmahal nu Diyos nikitam tu pamamag-itan ni Cristo Jesus.

Efeso 3:16

Idáddasal ko, ayun tu kayamanan sakay tu kadakilaan na a pabegsákkán na u ispiritwal moy a biyag tu pamamag-itan nu Ispirito na,

Efeso 3:6

Sa iye u sekreto nu Diyos: tu pamamag-itan nu Maganda a Baheta, u Hentil hide ay makatanggap tu pananto hide nu Diyos kaguman nu Judio hide, sakay parte be hide nu eessa a bággi dipo tu pákpagkaessa de ni Cristo Jesus.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Filipos 2:11

Sakay ipakapospos nu atanan a tolay a ti Jesu-Cristo u Panginoon, para tu kapuriyan nu Diyos Ama.

Filipos 4:19

Sakay u Diyos a pagserbiyan ko, siya u mangatád nikam tu atanan a kailangan moy a gábwat tu kayamanan na a awan maubus, dipo tu pákpagkaessa moy ni Cristo Jesus.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

1 Timoteo 2:5

a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 19:16

Sumássulat tu badu na sakay tu pengkel na u ngahan a, “Hare nu atanan a hare sakay Panginoon nu atanan a panginoon.”