Roma 1:29 - U Maganda A Baheta Ni Jesu-Cristo

²⁹ Kanya nagin alipin dán hide nu atanan a kadukássan, sakay kalokuwan, kasakiman, sakay madukás a isip. Naputat hide ti sene, pámmuno, págtalo-talo, págdaya, sakay págmetmet.

Roma 1:29 ပူးပေါင်းရင်းမြစ်များ

Mateo 5:32

Pero nadid ay itoldu ko nikam a ni ti deya man u humiwalay tu kabanga na a bábbey maski awan nangilállake ay nagkasala siya dipo siya u te dahilan ni mákkabanga a huway u bábbey. U lállake a kumabanga be nikuna sakay u bábbey ay nagkasala ti pángngalunya.”

Roma 3:10

A konna tu kinagi na tu Kautusan, “Awan ti malinis tu pangileng nu Diyos maskin essa.

2 Corinto 12:20

Dipo mággaisipánnák a bakay tu káangay ko hina ay te ketanák a awan ko gusto nikam sakay te ketan kam be a awan moy gusto nikán. Bakay u medemáttan ko ay dimaan, seniyan, iyamután, makasadile, págsidaan, metmetan, pághambug, sakay kaguluwan.

1 Timoteo 3:11

U kákkabanga di be hide ay kailangan a mágkatino, awan hide mametmet nan mapagpugád ti sadile sakay matapat tu atanan a bagay.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.