Roma 1:28 - U Maganda A Baheta Ni Jesu-Cristo

²⁸ Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

Roma 1:28 ပူးပေါင်းရင်းမြစ်များ

Gimet 17:23

Dipo tu páglalebut ko ti banuwan moyáy ay neilingan ko tu lugar hide a págdasalan moy u essa a altar a nakasulat u konna he, ‘Tu Diyos a awan matengge.’ U Diyos a awan moy matengge a páppuriyán moy ay siya u ipáppangaral ko nikam.

Gimet 17:32

Pákkasaneg de tu kinagi ni Pablo tungkul tu kákkabiyag a huway ay pinagtawaan siya nu agum. Kinagi be nu agum, “Gusto me a masaneg a huway i kinákkagi muwe.”

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Roma 1:21

Maski tukoy dán nu tolay a tehhod a Diyos ay awan di pade siya pinarangalan bilang Diyos oni pinasalamatan. U ginimet de ay nagisip hide ti awan ti seserbi kanya nadiklámman u isip de a awan ti tukoy.

Roma 1:24

Kanya pinabayan dán hide nu Diyos tu mágkadukás a kagustuwan nu puso de, hanggan nikuna a maggimet dán hide tu kagustuwan nu bággi de tu balang essa.

Roma 1:26

Dipo hod ay pinabayan dán hide nu Diyos a gimitán u mágkalaswa de a isip. Umád dán a mákduhog nu bábbey hide tu lállake hide nan tu kapareho de dálla a bábbey a mákduhog.

1 Corinto 15:34

Magpakatino kam sakay adággen moy dán u kasalanan. U agum nikam ay liwat u pákkatukoy na tu Diyos; kagiyán ko iye tánni mepasanike kam.

2 Corinto 10:5

Sidaán me u bawat katuwiran a mapagmataas a manghadlang tu pángtengge nu tolay tu Diyos, sakay pasukuwán me u atanan a áisipán de hide tánni sumunud hide ni Cristo.

Efeso 5:4

Sakay awan be nerarapat a masaneg nikam u mágkalaswa hide oni awan ti pinagseserbiyan a uhunan sakay tu págbiro a awan nararapat. Nan, magin mapagpasalamat kam tu Diyos.

2 Tesalonica 1:8

Dumemát siya a tehhod a maggehab a apoy, sakay parusaan na u awan hide nangtengge tu Diyos sakay awan naniwala tu Maganda a Baheta tungkul tu Panginoon tam ati Jesus.

2 Timoteo 3:8

Kumán hide adi Janes sakay ti Jambres a kimmontara ni Moises, dipo kimmontara be hide tu tatahoden. Awan dán hide ti maisip a maganda kaya u pánnampalataya de ay awan tunay.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Filemon 1:8

Nadid, bilang apostol ni Cristo, ay maare taka a utusan tu dapat mo a gimitán;

2 Pedro 3:5

Umád de a kilalaán a linalang nu Diyos u langet sakay tu luta tu kapangyariyan nu upos na. Nilalang u luta gábwat tu dinom sakay tu pamamag-itan nu dinom.