Roma 1:17 - U Maganda A Baheta Ni Jesu-Cristo

¹⁷ Dipo impeta nu Maganda a Baheta ni kodya a magin matuwid u essa a tolay, sakay ibilang a awan ti kasalanan tu pamamag-itan nu pánnampalataya a ayun tu nesulat tu Kasulatan, “U tolay ay imbilang nu Diyos a awan ti kasalanan dipo tu pánnampalataya ay mabiyag.”

Roma 1:17 ပူးပေါင်းရင်းမြစ်များ

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Roma 10:3

Dipo awan de tukoy ni kodya u pángbilang nu Diyos a awan ti kasalanan u essa a tolay. Nagsikap hide a maggimet ti sadile de a pamamaraan, nan sumunud tu pamamaraan nu Diyos.

Roma 3:21

Pero nadid ay inhayag dán nu Diyos ni kodya na a inbilang a awan ti kasalanan u tolay. Iye ay bakán a tu kássunud tu Kautusan. Mismo u Kautusan sakay u insulat nu prupeta hide u mangpatunay ti iye.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 3:3

Maski ni awan maniwala u sangan nide tu pananto nu Diyos, u gusto na beman a kagiyán ay awan dán tapat u Diyos tu págtupad na tu pananto na hide?

Roma 9:30

Ánya nadid u makagi tam tungkul ti iye? U bakán hide a Judio a awan nagsikap a magin makasaya tu Diyos ay kinasayaan na hide, imbilang na hide a awan ti kasalanan tu pamamag-itan nu pánnampalataya de nikuna.

2 Corinto 3:9

Ni nángpeta u Diyos tu kapangyariyan na nikuna a iyatád na u Kautusan a nakapangatád ti kamatayan, maspa u ipeta na a kapangyariyan ni ibutan na dán u kasalanan nu tolay.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Galacia 3:11

Nadid, malinaw a awan ti tolay a meturing a matuwid tu atubang nu Diyos tu pamamag-itan nu kássunud tu Kautusan, dipo kinagi tu Kautusan, “U tolay a inturing nu Diyos a matuwid ay mabiyag dipo tu pánnampalataya na.”

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

Hebreo 10:38

U matapat ko a tagapagserbi ay mabiyag a tehhod a pánnampalataya, pero ni adággen na u pánnampalataya na, ay awan ko siya kasayaan.”