Roma 1:14 - U Maganda A Baheta Ni Jesu-Cristo

¹⁴ Tehhodák a pananagutan a mángbaheta tu upos nu Diyos tu atanan a lahe nu tolay, tu mágkarunung hide sakay tu awan hide ti nagadalan.

Roma 1:14 ပူးပေါင်းရင်းမြစ်များ

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Lukas 10:21

Ti odas biyan itod ay nagkahod ti Jesus ti kasayaan a gábwat tu Banal a Ispirito, kinagi na, “Magpasalamaták niko Ama a Panginoon ti langet sakay ti lutaáy dipo awan mo impakapospos tu mágkarunung i bagayan hidenye. Impakapospos mo la iye hide tu tolay hide a mapakumbaba a konna tu anak. On, Ama magpasalamaták dipo konna hod u gusto mo a mangyare.”

Gimet 22:21

Pero kinagi nikán nu Panginoon, ‘Lumakad ka dán dipo paangayán taka tu adeyo a lugar, tu Hentil hide.’”

Gimet 28:2

Mabait a tahod u tolay hod hide sakay tinanggap di kame ti maayus. Pinagnamo di kame ta madagnen dipo naguden sakay inasikaso di kame ti husto.

Gimet 28:4

Nikuna ketan nu tagahod hide u ulag a bumábbátten tu kamát ni Pablo ay nakagi de tu balang essa nide, “Talaga a mágbabono i lállakeyan iye. Nakaligtas ngane siya tu diget, pero awan be siya pinakultaden nu hed ti langet a mabiyag pa siya.”

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Roma 1:22

Kagi de a mágkalalake hide, pero u tatahoden ay awan hide ti katuko-tukoy.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 12:16

Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 13:8

Dyan kam manatile a te sagutin ni deyaman, liban tu sagutin moy a magmahalan. Dipo u magmahal tu kapatkákka na ay mangtupad tu Kautusan.

Roma 16:19

Nabaheta dán nu atanan u katapatan tu kássunud moy tu Panginoon, sakay masayaák dipo hina. Pero u gusto ko ay magin malalake kam tu bagay hide a maganda sakay awan ti tukoy tu bagay hide a madukás.

Roma 8:12

Kanya kákkapatkákka ko hide, dyan kitamon mabiyag a ayun tu makasalanan tam a pagkatolay.

1 Corinto 14:11

pero ni awan ko tukoy u upos a ginamit nu kauhon ko ay awan kame magkaintendiyan.

1 Corinto 14:16

Ni magpasalamat ka tu Diyos tu pamamag-itan nu ispirito la, kodya a makakagi ti “Amen” u essa a tolay a katoy hod ni awan na naintendiyan u kákkagiyán mo?

1 Corinto 2:13

Kaya ngane a mangaral kame tu pamamag-itan nu karunungan nu Banal a Ispirito bakán a ayun tu karunungan nu tolay. U ipáppaliwanag me tu páppágyanan hide nu Ispirito nu Diyos ay u tatahoden a Ispiritwal.

1 Corinto 3:18

Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.

2 Corinto 10:12

Awan ko gusto a ibilang oni ipareho u sadile ko tu agum a magmadakál tu sadile de. Awan ti tukoy i tolayan ina hide! Dipo u sadile dila u ginimet de a sukatan sakay parisan.

2 Corinto 11:19

Dipo págtatiyagaan moy u awan hide ti tukoy, palibhasa a mágkalalaki kam.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

2 Timoteo 2:10

Kaya pagtiisan ko u atanan a bagay alang-alang tu pinile hide nu Diyos tánni magkahod be hide ti kaligtasan sakay biyag a awan ti kahád a gábwat ni Cristo Jesus.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.