Pahayag 9:21 - U Maganda A Baheta Ni Jesu-Cristo

²¹ Awan di be ngane pinagsisiyan u pámmuno, págdipoh, u pángngibábbey oni pángngilállake oni págtakaw de.

Pahayag 9:21 ပူးပေါင်းရင်းမြစ်များ

Mateo 15:19

Dipo u gábwat tu puso u madukás a isip tu agum, pámmuno, pángngalunya, págtakaw, págsistigo ti kakabuliyan tu agum a tolay sakay págmetmet.

2 Corinto 12:21

Mággaisipánnák a bakay káangay ko hina a huway ay mepasanikiyák tu atubang nu Diyos dipo nikam. Makay malungkuták ni tu káddemát ko hina, ay te sangan padi nikam a awan palla nagsise to ginimet de a madukás. Lalu dán tu pángngibábbey sakay tu pángngilállake.

Galacia 5:20

págsamba tu diyos-diyosan, págdipoh, pággingál, pamágdadema, pánnaghile, kákkaiyamut, pagkamadámmot, awan ti pagkakaessa sakay pamágkampe-kampe.

Pahayag 13:13

Naggimet ti makataka-taka a bagay u kaduwwa a makaánteng a hayup, nagpasidung siya ti apoy a gábwat ti langet a áelingán nu katolayan.

Pahayag 13:15

Pinayagan u kaduwwa a makaánteng a hayup a atádden ti biyag u rebulto nu purumero a makaánteng a hayup. Kaya nakapagupos u rebulto, sakay pinabuno na u atanan nu awan hide sumamba nikuna.

Pahayag 13:7

Pinayagan be siya a geraán sakay taluwán u pinile hide nu Diyos. Sakay inatádden siya ti kapangyariyan a mamuno tu atanan a tolay ti munduwáy, tu bawat lahe, banuwan, upos sakay bansa.

Pahayag 14:8

Kinagi be nu kaduwwa a simmunud a anghel, “Nasida dán! Nasida dán u tanyag a Babilonia! U banuwan a iye ay garabi ti kasalanan dipo inakit na u atanan a tolay a sumunod tu mágkadangát de a gimet.”

Pahayag 16:6

U nangbuno tu pinile mo hide sakay tu propeta hide, ay inatádden mo ti dige tánni inumán de. Ina i dapatay nide!”

Pahayag 17:2

Natukuyan nikuna nu hare hide ti lutaáy u mágkahalay hide a gimet sakay u tolay hide ti lutaáy ay lininlang na kanya sinunud de u intáttoldu ni bábbiyan ina, ni mara ay linasing na hide tu alak nu kahalayan.”

Pahayag 17:4

Nakabadu ti madideg sakay kulay ubi u bábbey. Sakay makpal siya a sulot a alahas a ginto, mahalaga a bito, sakay perlas. Tatawed na u tasa a ginto a putat tu kadukássan na sakay tu mágkalaswa na a gimet.

Pahayag 17:5

Sakay nakasulat tu kidáp na u ngahan ni iye a te lihim a kahulugan, “U tanyag a Babilonia, u ina nu bábbey a bábbayaden sakay atanan nu tolay ti munduway ay maggimet ti mágkalaswa.”

Pahayag 18:3

Nangyare iye tu banauwan nu Babilonia dipo inakit ni iye u tolay hide tu buo a mundu a sumunud tu magkalaswa na a gimet. Sakay u atanan a hare ti munduway ay kuman a nangibabbey nikuna dipo nikuna de a natukuyan u paggimet ti kahalayan. Sakay u nigosyante hide ay yimmaman dipo tu mahalay na a kákkabiyag.

Pahayag 19:2

Dipo makatarungan sakay tama u pághatul na! Hinatulan na u raina a tanyag ti kalaswaan a nángpadukás ti munduway. Pinarusaan siya nu Diyos dipo tu pángbuno na tu tagapagserbi hide nu Panginoon!”

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.

Pahayag 9:20

Pero u tolay hide a awan natay ti iye hide a salut ay awan padi nagsise. Awan hide immadág sakay ummimang tu págsamba de tu dimonyo sakay tu diyos-diyosan a ginággimet di la be. Iye hide ay gimet tu ginto, pilak, tangso, bito, sakay kayo, a awan maketa, makasaneg, oni makalakad.