Pahayag 9:1 - U Maganda A Baheta Ni Jesu-Cristo

¹ Nadid, nikuna a patánnugán nu kalimma a anghel u trumpeta na ay áelingán ko a natápduk ti lutaáy u essa a biton a gábwat ti langet. Sakay neatád nikuna u suse nu ganáb nu ábbut a tunay ti kadsalad.

Pahayag 9:1 ပူးပေါင်းရင်းမြစ်များ

Lukas 10:18

Kinagi ni Jesus, “Netan ko ti Satanas a natákneg a gábwat ti langet a kumán a kilat.

Lukas 8:31

Sakay nákkekagbi u mágkadukás hide a ispirito a dyan hide pasegbuwán ni Jesus tu abbut a awan ti kahad.

Roma 10:7

Diyan mo be kagiyán a, “Deya beman u umogsad tu lugar nu patay hide. Tánni pasangkayán ti Cristo gábwat tu patay hide.”

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 1:20

Iye u gusto a kagiyán nu pitto a biton a netan mo a táttawed ko tu kawanan ko a kamát sakay u pitto a págtupuwan ti simbuwan a ginto: u pitto a biton ay u anghel hide nu pitto a gurupo nu mánnampalataya. Sakay u pitto be a págtupuwan ti simbuwan a ginto ay u pitto a gurupo nu mánnampalataya hide.”

Pahayag 11:7

Sakay káttapos de a magbaheta tu upos nu Diyos ay umawas tu ábbut a tunay ti kadsalad u essa a makaánteng a hayup sakay mákpaglaban nide. Matalo hide sakay mabuno nu hayup.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 20:1

Nadid, káttapos ni itod ay naketaák ti anghel a pasidung a gábwat ti langet, tatawed na u suse nu ábbut a awan ti kahád ti kadsalad sakay u dakál a kadena.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.

Pahayag 6:13

Sakay minágkatákneg u biton hide ti lutaáy a konna tu kákkatákneg nu butáng hide nu kayo a igus ni sabáddán nu mabegsák a pahás.

Pahayag 8:10

Nikuna a patánnugán nu katállo a anghel u trumpeta na ay natákneg u tunay ti kadakál a biton ti langet a mágganga-gangat a kumán a simbuwan, sakay timmáppel tu katállo a parte nu konayan hide sakay tu bukal hide.

Pahayag 8:12

Nikuna patánnugán nu kaáppat a anghel u trumpeta na ay nasida u katállo a parte nu aldew, bulan, sakay u biton hide, kaya nawan u katállo a parte a demlag de. Dinumiham u katállo a parte nu aldew, sakay konna bi hod u katállo a parte nu gibi.

Pahayag 8:2

Káttapos ay netan ko u pitto a anghel a mágtaknág tu atubang nu Diyos. Sakay u balang essa nide ay inatádden ti trumpeta.

Pahayag 9:2

Nikuna a bukasan nu biton u ábbut a tunay ti kadsalad ay limmuwas u asok a tunay a bagál a kumán a asok nu makpál a nagtutudan. Kaya nagdiham u aldew sakay u panganurin dipo natakáppan tu asok.