Pahayag 8:13 - U Maganda A Baheta Ni Jesu-Cristo

¹³ Káttapos ni itod ay naketaák ti agila a magegbáh tu kalawakan sakay nasaneg ko a makán pákhawán, “Makaánteng i mangyariyay tu katoy hide ti munduway, ni patánnugán dán nu tállo pa a anghel u trumpeta de hide!”

Pahayag 8:13 ပူးပေါင်းရင်းမြစ်များ

Hebreo 1:14

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.

Pahayag 11:14

Limmipas dán u kaduwwa a makaánteng a pangyayare, pero dumáddadedemát dán u katállo.

Pahayag 12:12

Kaya magsaya kam, hikam a mágyan ti langet! Pero makaánteng i danasán moyay, hikam a mágyan tu luta sakay tu diget! Dipo u matindi a iyamut nu Diyablo ay meangay nikam. Dipo tukoy na a awan dán siya magmalay.”

Pahayag 14:3

Mágkansiyon u 144,000 a tolay ti bigu a kansiyon tu atubang nu trono, sakay tu áppat a linalang a biyag, sakay tu duwapulo ay ti áppat a tagapangasiwa. Awan ti makaintendi ti kansiyonan itod maliban la tu 144,000 a naligtas tu tolay hide ti munduwáy.

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.

Pahayag 19:17

Káttapos ay naketaák ti anghel a mágtaknág tu aldew. Dinulawan na ti mabegsák u manok hide a magegbáh tu kalawakan, “Kamon he, magipun-ipun kam para tu dakál a handaan nu Diyos!

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 8:2

Káttapos ay netan ko u pitto a anghel a mágtaknág tu atubang nu Diyos. Sakay u balang essa nide ay inatádden ti trumpeta.

Pahayag 9:1

Nadid, nikuna a patánnugán nu kalimma a anghel u trumpeta na ay áelingán ko a natápduk ti lutaáy u essa a biton a gábwat ti langet. Sakay neatád nikuna u suse nu ganáb nu ábbut a tunay ti kadsalad.

Pahayag 9:12

Limmipas dán u purumero a makaánteng a hirap; pero tehhod pa a pademát a duwwa!