Pahayag 8:12 - U Maganda A Baheta Ni Jesu-Cristo

¹² Nikuna patánnugán nu kaáppat a anghel u trumpeta na ay nasida u katállo a parte nu aldew, bulan, sakay u biton hide, kaya nawan u katállo a parte a demlag de. Dinumiham u katállo a parte nu aldew, sakay konna bi hod u katállo a parte nu gibi.

Pahayag 8:12 ပူးပေါင်းရင်းမြစ်များ

Mateo 24:29

Kinagi pa ni Jesus “Káttapos ni pághirapan itod, pagdaka magdiham u aldew sakay awan magdemlag u bulan. Matápduk u biton hide a gábwat ti langet sakay maibutan u kapangyariyan hide a hod ti kalawakan.

Mateo 27:45

Sapul tu tanghali hanggan tu alas tres ti apon ay nagdiham u buo a lugar.

Markos 13:24

Sakay kinagi pa ni Jesus, “Káttapos ni aldiwan itod a kahirapan ay magdiklám u aldew, awan dámbe dumemlag u bulan,

Markos 15:33

Nikuna a tanghale dán ay nagdiham u buo a luta hanggan alas tres ti apon.

Lukas 21:25

Kinagi ni Jesus, “Magkahod ti senyal tu aldew, tu bulan, sakay tu biton hide. Ti lutaáy ay maligalig u atanan a tolay sakay awan de tukoy ni ánya u gággagamitán de dipo tu mabegsak a tánnog nu diget sakay daddakkal a dalondun.

Gimet 2:20

Magdiklám u aldew sakay magdideg u bulan a kumán a dige. Mangyare iye bagu a dumemát u makataka-taka a aldew nu pághatul nu Panginoon.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Pahayag 12:4

Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.

Pahayag 16:10

Imbulak nu kalimma a anghel u lasán nu malukung na tu trono nu makaánteng a hayup, kaya dinumiklám u kahariyan na. Dipo tu apdás a mabate nu tolay hide, pate u dila de ay kagitán de.

Pahayag 6:12

Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige.

Pahayag 9:15

Kaya u áppat a anghel a nelaan para ti iye a odas, aldew, bulan sakay taon ay pinalaya tánni bunuwán de u katállo a parte nu atanan a tolay ti munduwáy.

Pahayag 9:18

U tállo a salut a nangbuno tu katállo a parte nu katolayan ti munduway ay u apoy, asok, sakay u asupre a gábwat tu labi de.