Pahayag 8:10 - U Maganda A Baheta Ni Jesu-Cristo

¹⁰ Nikuna a patánnugán nu katállo a anghel u trumpeta na ay natákneg u tunay ti kadakál a biton ti langet a mágganga-gangat a kumán a simbuwan, sakay timmáppel tu katállo a parte nu konayan hide sakay tu bukal hide.

Pahayag 8:10 ပူးပေါင်းရင်းမြစ်များ

Mateo 25:1

Kinagi pa ni Jesus “Kona he a talinghaga a mepareho u kahariyan nu Diyos: Te sapulo a mámmadiket a amigo nu ikasal hide. Ayon tu kaugalian de, tu aldew nu kasal ay tagbuwan de u lállake a ikasal a te tawed u bawat essa nide a simbuwan.

Lukas 10:18

Kinagi ni Jesus, “Netan ko ti Satanas a natákneg a gábwat ti langet a kumán a kilat.

Judas 1:13

Sakay kumán hide a tagmák nu diget a u bula na ay u makasanike de hide a gimet; kumán be hide a netawtaw a biton a nelaan tu awan ti kahád a kadiklámman.

Pahayag 1:20

Iye u gusto a kagiyán nu pitto a biton a netan mo a táttawed ko tu kawanan ko a kamát sakay u pitto a págtupuwan ti simbuwan a ginto: u pitto a biton ay u anghel hide nu pitto a gurupo nu mánnampalataya. Sakay u pitto be a págtupuwan ti simbuwan a ginto ay u pitto a gurupo nu mánnampalataya hide.”

Pahayag 12:4

Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.

Pahayag 14:7

Sakay kinagi na ti mabegsák, “Magkahod kam ti ánteng tu Diyos, sakay parangalan moy siya! Dipo dimmemát dán u odas nu pághatul na. Sambaán moy u Diyos a nanglalang tu langet, tu luta, tu diget, sakay tu hábwayan hide!”

Pahayag 16:4

Imbulak nu katállo a anghel u lasán nu malukung na tu konayan sakay tu hábwayan hide, kaya nagin dige be itod hide.

Pahayag 6:13

Sakay minágkatákneg u biton hide ti lutaáy a konna tu kákkatákneg nu butáng hide nu kayo a igus ni sabáddán nu mabegsák a pahás.

Pahayag 8:7

Nikuna patánnugán nu purumero a anghel u trumpeta na ay naguden tu luta ti iyelo sakay apoy a te kahalo a dige. Kaya natutod u katállo a parte ni lutaáy, u katállo a parte nu kakayowan, sakay u atanan a lamon.

Pahayag 9:1

Nadid, nikuna a patánnugán nu kalimma a anghel u trumpeta na ay áelingán ko a natápduk ti lutaáy u essa a biton a gábwat ti langet. Sakay neatád nikuna u suse nu ganáb nu ábbut a tunay ti kadsalad.

Pahayag 9:15

Kaya u áppat a anghel a nelaan para ti iye a odas, aldew, bulan sakay taon ay pinalaya tánni bunuwán de u katállo a parte nu atanan a tolay ti munduwáy.

Pahayag 9:18

U tállo a salut a nangbuno tu katállo a parte nu katolayan ti munduway ay u apoy, asok, sakay u asupre a gábwat tu labi de.