Pahayag 6:9 - U Maganda A Baheta Ni Jesu-Cristo

⁹ Nikuna a ibutan nu Tupa u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he.

Pahayag 6:9 ပူးပေါင်းရင်းမြစ်များ

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

2 Corinto 5:8

Kaya awan kame panghinaan ti isip maski u gusto me ay iwahak dán i bággiyan iye tánni makaguman mi dán u Panginoon.

Filipos 1:23

Ti duwwaan iye a pagpiliyan ay he dák ti ballog: ni mabiyag palla oni matay dán. Gusto ku dán nakwa a matay tánni makaguman ko dán ti Cristo, dipo iye u mas maganda para nikán.

Filipos 2:17

U págserbi moy a bunga nu pánnampalataya moy ay kumán a alay moy tu Diyos. Ni kailangan a mebuhus u digi ko, masayaák pade; dipo tu kamatayan ko ay kumán a mebuhus u digi ko kaguman nu alay moy. Sakay dipo ti ina ay mákpagsayaák nikam.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

2 Timoteo 4:6

Dipo awanák dán magmalay ti lutaán iye, adeniyák dán a matay dipo u biyag ko ay konna tu alay a áinumán a ibulak tu altar nu Panginoon Diyos.

Hebreo 12:23

Umadene kam tu masaya a paggipun-ipun nu imbilang nu Diyos a panganay a anak na hide a nakalista ti langet u ngaha-ngahan de. Umadene kam tu Diyos a hukum nu atanan, sakay tu ispirito nu tolay hide a inturing nu Diyos a banal sakay ginimet na dán a ganap.

Pahayag 1:2

Kinagi ni Juan u atanan a netan na tungkul tu impahayag nu Diyos sakay pinatunayan ni Jesu-Cristo.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 14:18

Lummuwas tu altar u essa pa a anghel a nakabahala tu apoy. Kinagi na ti mabegsák tu anghel a te tatawed a matalas a karit, “Gamitán mu dán i karit muwe, aniyán mo dán u atanan a ubas ti lutaáy, ta nágkaluto dán!”

Pahayag 16:7

Sakay nasaneg ko u boses a gábwat tu altar: “Panginoon a Diyos a makapangyariyan tu atanan, talaga a tama sakay makatarungan u hatul mo!”

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 8:3

Sakay te essa pa a anghel u dummemát sakay angay timmaknág tu atubang nu altar. Te tatawed siya a ginto a malukung a págtutudan ti insenso. Inatádden siya ti makpal a insenso para iyalay tu ginto a altar tu atubang nu trono, kaguman nu dasal nu atanan a pinile nu Diyos.

Pahayag 9:13

Nadid, pinatánnog nu kaánnám a anghel u trumpeta na sakay nasaneg ko u boses a gábwat tu áppat a suluk nu altar a ginto a katoy tu atubang nu Diyos.