Pahayag 6:8 - U Maganda A Baheta Ni Jesu-Cristo

⁸ Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.

Pahayag 6:8 ပူးပေါင်းရင်းမြစ်များ

Mateo 11:23

Sakay hikam a taga Capernaum, dyan moy ipalalo a makaangay kam ti langet dipo iyangay kam nu Diyos ti impiyerno. Ni u himala hide a ginággimet nikam ay nangyare ti Sodoma ay nagsisi nakwa u tolay hod hide tu itod sakay awan hide napuksa.

Mateo 24:7

Dipo mákpággera u bansa hide laban tu iba-iba a bansa sakay u kahariyan hide tu iba-iba a kahariyan. Magkahod ti sákaláp sakay linog tu iba iba a lugar.

1 Corinto 15:55

“Awan dán ti tagumpay, U kamatayan sakay awan dán siya ti kapangyariyan.”

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.

Pahayag 12:4

Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.

Pahayag 9:15

Kaya u áppat a anghel a nelaan para ti iye a odas, aldew, bulan sakay taon ay pinalaya tánni bunuwán de u katállo a parte nu atanan a tolay ti munduwáy.

Pahayag 9:18

U tállo a salut a nangbuno tu katállo a parte nu katolayan ti munduway ay u apoy, asok, sakay u asupre a gábwat tu labi de.