Pahayag 6:17 - U Maganda A Baheta Ni Jesu-Cristo

¹⁷ Dipo dummemát dán u aldew nu págparusa de tu tolay hide sakay awan ti makaligtas tu iyamut de!”

Pahayag 6:17 ပူးပေါင်းရင်းမြစ်များ

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Roma 2:5

Dipo tu kaigáttan ni ulo moye sakay awan págsise ay padággiyán mula u parusa nu Diyos niko, tu aldew a pángpeta nu Diyos tu iyamut na sakay makatarungan a pághatul na.

Judas 1:6

Isipán moy be u anghel hide a awan nagtulos-tulos tu tungkulin de sakay inwahak u lugar a inyatád nide nu Diyos. Kaya ingapus hide nu Diyos ti kadena a awan mababágsot sakay impireso na hide tu tunay ti diklám a lugar hanggan tu káddemát nu Aldew nu Pághatul.

Pahayag 11:18

Maiyamut a tahod u tolay hide a awan tumenggi niko. Dipo dimmemát dán u odas para parusaan mo hide. Odas dán para hatulan mo u patay hide, sakay atádden ti piremyo u tagapagserbi mo hide, a prupeta, u mannampalataya hide, sakay tu atanan a te ánteng niko, mataas man ay ti mababa. Odas dán para puksaán mo u nagpahirap tu tolay hide ti munduway.”

Pahayag 16:14

Iye hide u dimonyo a mággimet ti makataka-taka a bagay. Maglebut hide ti munduwáy para ipunán u atanan nu hare para mákgera tu Diyos káddemát nu dakila a Aldew a intakda nu Diyos a Makapangyariyan tu atanan.