Pahayag 6:16 - U Maganda A Baheta Ni Jesu-Cristo

¹⁶ Sakay kinagi de tu buked hide sakay tu bito hide, “Tapuhan moy kame tánni awan kame ketan nu mággetnod tu trono, sakay tánni awan mi dán madanas u iyamut nu Tupa!

Pahayag 6:16 ပူးပေါင်းရင်းမြစ်များ

Mateo 26:64

Timmábbeg ti Jesus, “Hiko dán u nagkagi. Pero kagiyan ko niko: Sapul nadid ay ketan mo u Anak nu Tolay a nakaetnud tu kawanan nu Makapangyariyan a Diyos sakay dumemát siya a gábwat ti langit!”

Markos 3:5

Maiyamut sakay malungkut ti Jesus a immileng tu tolay hide a katoy tu palebut na, dipo tu kaigáttan nu ulo de. Káttapos ay kinagi na tu te saket, “Iyolnat mo i kamát muwe.” Inyolnat be nu lállake u kamát na sakay nagpiyya iye.

Lukas 23:30

Ti aldiwan itod ay kagiyán nu tolay hide tu buked hide a, ‘Maduhay kamon a buked hide tánni matapuhan kame!’

Pahayag 10:6

Sakay nanumpa tu ngahan nu Diyos a te biyag a awan ti kahád, a nanglalang tu langet, tu luta, tu diget, sakay tu atanan a katoy hod. Kinagi nu anghel, “Awan dán magmalay!

Pahayag 19:15

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.

Pahayag 4:2

Biglaák a inggiya nu Banal a Ispirito nu Diyos, sakay netan ku hod ti langet u essa a trono a tehhod a essa a mággetnod sakay u mággetnod hod.

Pahayag 4:5

Te maggábwat a kilat tu trono, kasabay nu galungogung nu kádduh. Sakay tehhod be a pitto a maggehab a simbuwan tu atubang nu trono, iye u Ispirito nu Diyos ate pitto a gawain.

Pahayag 4:9

Sakay mentras a mágkansiyon hide ti papure, parangal, sakay pasasalamat tu mággetnod tu trono, a te biyag hanggan-hanggan,

Pahayag 5:1

Nadid, netan ko u essa a kasulatan a nalukot a táttawed nu mággetnod tu trono tu kawanan na a kamát. Te sulat iye a magdilu-diluputan sakay te pitto a selyo.

Pahayag 6:10

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?”

Pahayag 9:6

Sakay ti itona a panahun ay ehyukán nu tolay u kamatayan, pero awan hide mata-matay. Gustuwán de a matay, pero adeyuwan hide nu kákkatay.