Pahayag 5:14 - U Maganda A Baheta Ni Jesu-Cristo

¹⁴ Tummábbeg u áppat a linalang a biyag ti, “Amen!” Sakay limmuhud u atanan nu tagapangasiwa hide sakay sinumamba tu Diyos sakay tu Tupa.

Pahayag 5:14 ပူးပေါင်းရင်းမြစ်များ

1 Corinto 14:16

Ni magpasalamat ka tu Diyos tu pamamag-itan nu ispirito la, kodya a makakagi ti “Amen” u essa a tolay a katoy hod ni awan na naintendiyan u kákkagiyán mo?

Pahayag 19:4

U duwapulo ay ti áppat a tagapangasiwa sakay u áppat a linalang a biyag ay limmuhud sakay simmamba hide tu Diyos a mággetnod tu trono, kinagi de, “Amen! Puriyán u Panginoon!”

Pahayag 4:4

Nakapalebut bi hod u duwwa a pulo ay ti áppat a trono. Sakay mággetnod hod u duwwa a pulo ay ti áppat a tagapangasiwa a nakasulot ti mágkapudew a badu sakay te manga kurona hide a ginto.

Pahayag 4:6

Tu atubang nu trono ay tehhod a kumán a diget a bubug a tunay ti lekmang a konna tu kristal. Sakay nakapalebut tu bawat kanto nu trono u áppat a linalang a biyag a putat ti mata tu atubang ay tu adág.

Pahayag 5:11

Immilingák a huway sakay nasaneg ko u boses nu linibu-libu sakay minilyon-milyon a anghel. Nakapalebut hide tu trono, tu áppat a nilalang a biyag sakay tu tagapangasiwa hide.

Pahayag 5:6

Sakay káttapos ay naketaák ti essa a Tupa a mágtaknág tu bállog nu tagapangasiwa hide. Sakay tu trono a napalebutan nu áppat a nilalang a biyag. Tehhod a tanda a nabuno dán iye a Tupa. Tehhod iye a pitto a saduk, sakay pitto a mata, iye u Ispirito nu Diyos a te pitto a gawain a pinaangay na ti buuwáy a mundu.

Pahayag 5:8

Nikuna a alapán na iye ay limmuhud tu atubang nu Tupa u áppat a linalang a biyag sakay u duwwa a pulo ay ti áppat a tagapangasiwa. Bawat essa ay tehhod a táttawed a alpa sakay tehhod a ginto a malukung a putat ti insenso. Saiye u dasal nu tolay hide nu Diyos.

Pahayag 7:12

Kinagi de, “Amen! U Diyos tam ay karapat-dapat a puriyán, sambaán, pasalamatan sakay parangalan. Hod nikuna u kadakilaan, karunungan, kapangyariyan, sakay begsák. Puriyán siya hanggan-hanggan! Amen!”