Pahayag 5:11 - U Maganda A Baheta Ni Jesu-Cristo

¹¹ Immilingák a huway sakay nasaneg ko u boses nu linibu-libu sakay minilyon-milyon a anghel. Nakapalebut hide tu trono, tu áppat a nilalang a biyag sakay tu tagapangasiwa hide.

Pahayag 5:11 ပူးပေါင်းရင်းမြစ်များ

Hebreo 12:22

Pero hikam u inadeniyan moy ay u Buked nu Sion sakay tu banuwan nu Diyos a biyag, u makalanget a Jerusalem, a páppágyanan nu awan mabilang a anghel.

Judas 1:14

Nadid, ti Enoc a kapitto a lahe ni Adan ay impahayag na dán tu itod pa u tungkul tu magtoldu hide ti baka-bakán, kinagi na, “Ilingán moy! Dimmemát dán u Panginoon, kaguman na u libu-libu na a anghel,

Pahayag 19:6

Káttapos ay nasaneg ko u kumán a pinagessa a boses nu makpal a tolay. Kumán a tánnog nu dakál a tapaw sakay tánnog ni kádduh, kinagi na, “Puriyán u Panginoon! Dipo mághare u Panginoon, u Diyos tam a makapangyariyan tu atanan!

Pahayag 4:4

Nakapalebut bi hod u duwwa a pulo ay ti áppat a trono. Sakay mággetnod hod u duwwa a pulo ay ti áppat a tagapangasiwa a nakasulot ti mágkapudew a badu sakay te manga kurona hide a ginto.

Pahayag 4:6

Tu atubang nu trono ay tehhod a kumán a diget a bubug a tunay ti lekmang a konna tu kristal. Sakay nakapalebut tu bawat kanto nu trono u áppat a linalang a biyag a putat ti mata tu atubang ay tu adág.

Pahayag 5:14

Tummábbeg u áppat a linalang a biyag ti, “Amen!” Sakay limmuhud u atanan nu tagapangasiwa hide sakay sinumamba tu Diyos sakay tu Tupa.

Pahayag 5:6

Sakay káttapos ay naketaák ti essa a Tupa a mágtaknág tu bállog nu tagapangasiwa hide. Sakay tu trono a napalebutan nu áppat a nilalang a biyag. Tehhod a tanda a nabuno dán iye a Tupa. Tehhod iye a pitto a saduk, sakay pitto a mata, iye u Ispirito nu Diyos a te pitto a gawain a pinaangay na ti buuwáy a mundu.

Pahayag 5:8

Nikuna a alapán na iye ay limmuhud tu atubang nu Tupa u áppat a linalang a biyag sakay u duwwa a pulo ay ti áppat a tagapangasiwa. Bawat essa ay tehhod a táttawed a alpa sakay tehhod a ginto a malukung a putat ti insenso. Saiye u dasal nu tolay hide nu Diyos.

Pahayag 7:11

Timmaknág u atanan a anghel tu palebut nu trono sakay u tagapangasiwa hide pate u áppat a linalang a biyag. Dummapa hide tu atubang nu trono sakay summamba tu Diyos.

Pahayag 9:16

U nasaneg ko a bilang nu sundalo hide a nakakabayo ay 200,000,000.