Pahayag 4:11 - U Maganda A Baheta Ni Jesu-Cristo

¹¹ “Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”

Pahayag 4:11 ပူးပေါင်းရင်းမြစ်များ

Gimet 14:15

“Dyan moy ina gimitán, tolay kami labe a konna nikam! Katoy kame he para ipangaral me nikam u Maganda a Baheta tánni adággen moy dán ina hide a gimet a awan ti pinagseserbiyan sakay sumole kam tu biyag a Diyos a nanggimet tu langet, tu luta, tu diget, sakay u atanan a katoy hod.

Gimet 17:24

U Diyos a nanglalang ti munduway sakay tu atanan a mágyan hod ay siya u Panginoon ti langet sakay ti lutaáy. Awan siya mágyan tu templo a ginimet nu tolay.

Roma 11:36

Dipo u atanan a bagay ay gábwat nikuna, sakay linalang na iye hide tu pamamag-itan na sakay para nikuna. Puriyán u Diyos a magpakahanggan! Amen.

Efeso 3:9

Sakay ipaliwanag tu atanan ni kodya a mangyare u plano nu Diyos. Iye a sekreto ay nalay a panahun a inlihim nu Diyos a nanglalang tu atanan a bagay,

Hebreo 1:10

Sakay kinagi na pa, “Tu sapul ay hiko Panginoon u nanglalang tu mundu, sakay gimet nu kamát mo u langet.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Pahayag 1:6

Sinakup na kitam tu kahariyan na, para makaguman na kitam a maghare a kaguman na. Imbilang na kitam be a saserdote a magserbi tu Diyos a Ama. U kapuriyan sakay u kapangyariyan a awan ti kahád ay para la ni Cristo! Amen.

Pahayag 10:6

Sakay nanumpa tu ngahan nu Diyos a te biyag a awan ti kahád, a nanglalang tu langet, tu luta, tu diget, sakay tu atanan a katoy hod. Kinagi nu anghel, “Awan dán magmalay!

Pahayag 14:7

Sakay kinagi na ti mabegsák, “Magkahod kam ti ánteng tu Diyos, sakay parangalan moy siya! Dipo dimmemát dán u odas nu pághatul na. Sambaán moy u Diyos a nanglalang tu langet, tu luta, tu diget, sakay tu hábwayan hide!”

Pahayag 19:1

Nadid, káttapos ni iye ay nasaneg ko u mabegsák a boses a kumán a pinagessa a makpal a tolay ti langet a mágkansiyon ti konna he, “Puriyán tam u Panginoon tam! Siya ay karapat-dapat a parangalan dipo siya u makapangyariyan a Diyos a nagligtas nikitam!

Pahayag 5:12

Mágkansiyon hide ti mabegsák: “U Tupa a binuno ay karapat-dapat a tumanggap ti kapangyariyan, kayamanan, karunungan, sakay begsák, karangalan, papuri sakay pággalang.”

Pahayag 5:2

Sakay naketaák ti makapangyariyan a anghel a nagupos ti mabegsák, “Ti deya u karapat-dapat a mangibut tu selyo sakay mangbukas ti nalukutáy a kasulatan?”

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.