Pahayag 3:8 - U Maganda A Baheta Ni Jesu-Cristo

⁸ Tukoy ko u gággimitán moy hide. Tukoy ko a sabadit la u kakayanan moy, pero sinunud moy u toldu ko sakay nagin matapat kam nikán. Nan binukasan ko u pintuwan a sáddáppan moy a awan mesiradu nu maskin ti deya.

Pahayag 3:8 ပူးပေါင်းရင်းမြစ်များ

Lukas 12:9

Pero ni deya man u mángpamen nikán tu atubang nu katolayan ay ipamen ko be tu atubang nu anghel hide nu Diyos.

Juan 15:20

Diyan moy kalimunan u kinagi ko nikam a awan ti alipin a mas higit tu amo na. Ni dinustaák de ay dustaán dikam be. Sakay ni sinunud de u upos ko ay sunudán di be u kagiyán moy.

Juan 17:6

Inpakilala taka tu tolay hide a inyatád mo nikán ti munduwáy. Kao mo hide sakay inyatád mo hide nikán, sakay sinunud de u upos mo.

Gimet 14:27

Sakay káddemát de ti Antioquia ay tinipun de u atanan a mánnampalataya sakay imbaheta de u atanan a ginimet nu Diyos tu pamamag-itan de; sakay ni kodya a inatádden nu Diyos u Hentil hide ti pagkakataun a sumampalataya.

1 Corinto 16:9

Dipo makpál he a pagkakataun para tu págserbi tam, maski makpal u kumontara nikán.

2 Corinto 2:12

Nikuna immangayák ti Troas para mangaral tu Maganda a Baheta tungkul ni Cristo, ay inatáddinák nu Panginoon ti maganda a pagkakataun para magimet ku itod.

Filipos 4:13

Magimet ku iye a atanan dipo tu begsák a inyatád nikán ni Cristo.

Colosas 4:3

Ipagdasal moy kame be a atádden kame nu Diyos ti pagkakataun a mepahayag me u upos na tungkul ni Cristo a nelihim tu itod. Iye u dahilan nu kákkepireso ko nadid.

1 Timoteo 5:8

Ni deya man u awan mangpospos tu kákkapatkákka na, lalu dán tu pamilya na ay immadág ti pánnampalataya, dipo mas madukás pa u ugali na nan tu awan ti pánnampalataya.

2 Timoteo 4:7

Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 2:2

Tukoy ko u gimet moy hide, u pagud sakay u tiyaga moy. Tukoy ko a awan moy kákkonsentiyán u mágkadukás a tolay. Pero pinurbaan moy u magware-ware hide a apostol, kaya napatunayan moy a mágkabule hide.

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 3:1

“Nadid, Isulat mo iye tu anghel nu mánnampalataya hide ti Sardis: Iye u pekagi nu tehhod nikuna u pitto a gawain a Ispirito nu Diyos sakay tu pitto a biton. Tukoy ko u gimet moy; tu pangileng ay biyag kam, pero i tahoday ay patay kamon.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 3:15

Tukoy ko u gimet moy. Kagi moy a mannampalataya kam pero awan ti patunay. Kumán kam a dinom a awan malamig pero awan be mainit. Masmaganda pa ni malamig kam dálla a lalabba oni mainit!

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na: