Pahayag 3:4 - U Maganda A Baheta Ni Jesu-Cristo

⁴ Konna pa man hod ay tehhod a sasangan hina ti Sardis a awan immaheg tu mágkadukás a gimet nu agum, kumán de a iningatan u badu de a malinis, kaya makaguman ko hide a nakabadu ti mapudew dipo karapat-dapat hide.

Pahayag 3:4 ပူးပေါင်းရင်းမြစ်များ

Mateo 10:11

Sakay kinagi pa ni Jesus “Maski hádya man a banuwan o baryo u angayan moy ay magehyok kam ti tolay a karapatdapat a tulusan sakay hod kam a tumulos nikuna hanggan awan kam lumakad.

Markos 16:5

Sakay simmáddáp hide tu páglábbángngan, tehhod hide a netan a essa a lállake a nakabadu ti malayon sakay mapudew a damit, sakay mággetnod siya tu danág ti kawanan. Kanya tunay u ánteng de.

Lukas 20:35

Pero u tolay a karapatdapat a mabiyag a huway sakay meangay ti langet ay awan dán hod mákkabanga.

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

2 Tesalonica 1:5

Nadid u matibay a kassampalataya moy, ay saina u katunayan a tama u hatul nu Diyos. U keangayan ni ina a hirap moy, ay gimitán kam nu Diyos a karapat-dapat a pasakup tu kahariyan na. Kanya u págtiis moy nadid, ay alang-alang tu kahariyan na.

Judas 1:23

Tulungan moy u agum tán maligtas hide tu kaparusaan. U agum ay kagbiyan moy pero magingat kam tu mágkadukás de a gimet. Kaiyamutan moy maskin u badu de a nadangáttan tu mágkadukás de hide a gimet.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 14:4

Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.

Pahayag 19:14

Umunonod nikuna u sundalo hide ti langet, a nakabadu ti malinis sakay mapudew a damit a lino, sakay mágkabayo be hide ti mapudew a kabayo.

Pahayag 19:8

Nasulutan dán siya ti tunay a pudew sakay makasile a damit a lino.” U tunay a pudew a damit a lino ay u mágkaganda a gimet nu tolay hide a pinabanal nu Diyos.

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.

Pahayag 3:5

U magtagumpay ay pabaduwan be ti mapudew, sakay awan ko ibu-ibutan u ngahan na tu libro nu biyag. Tenggiyán ko siya tu atubang nu Ama ko sakay tu anghel ko hide.

Pahayag 4:4

Nakapalebut bi hod u duwwa a pulo ay ti áppat a trono. Sakay mággetnod hod u duwwa a pulo ay ti áppat a tagapangasiwa a nakasulot ti mágkapudew a badu sakay te manga kurona hide a ginto.

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.

Pahayag 7:9

Káttapos ni iye ay netan ko u tunay ti kakpal a tolay a maskin deya ay awan ti makabilang! Gábwat hide tu bawat bansa, lahe, banuwan, sakay bawat upos. Mágtaknág hide tu atubang nu trono sakay nu Tupa, a nakabadu ti mapudew sakay te táttawed a palaspas.