Pahayag 3:19 - U Maganda A Baheta Ni Jesu-Cristo

¹⁹ Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.

Pahayag 3:19 ပူးပေါင်းရင်းမြစ်များ

Mateo 25:7

Pagdaka ummikat u sapulo a mámmadiket sakay inayos de u bawat simbuwan de.

Juan 2:17

Naala-ala nu disepulus na hide u nesulat tu Kautusan: “U pángmalasakit ko tu bilay mo ay kumán a apoy a maggehab ti puso kuwáy.”

Roma 12:11

Dyan kam magin tamad ni awan magpakasipag kam sakay buo a puso a magserbi tu Panginoon.

1 Corinto 11:32

Pero ni ipakultad nu Panginoon a parusaan na kitam, itod ay para tolduwan na kitam tánni awan kitam mekuyog tu bakán hide a mánnampalataya a parusaan nu Panginoon.

2 Corinto 6:9

Inturing kame nu agum a awan di kame kilala, maski tanyag kame lagi a dilikadu u biyag me pero biyag kame palla hanggan nadid. Maski ni pinahirapan di kame, ay awan kame padi natay.

2 Corinto 7:11

Ilingán moy u inyatád nu kalungkutan a ayun tu kaluuban nu Diyos. Dipo ti ina ay nagin masigasig kam a patunayan a awan kam ti kasalanan tungkul tu bagay hide a kinagi ko. Naiyamut kam tu gimet a madukás sakay nagkahod kam ti ánteng. Nagin masigasig kam a mesole u date tam a pamággagum. Sakay pinarusaan moy a agad u te kasalanan hide. Pinatunayan moy dán ina nikán a áwan kam ti tukoy ti kasalananan itod.

Galacia 4:18

Awan madukás a mángpeta hide nikam ti págmalasakit nu tu kapiyyaan moy. Sakay dapat a palagi, bakán nakwa la a ni katubangák moy la.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Pahayag 2:5

Isipán moy u date moy a kalagayan; ni kodya kam a nanglamig tu pánnampalataya moy. Magsise kamon sakay gimitán moy a huway u date moy a gággimitán tu purumero. Ni awan ka magsise ay angayák hina sakay ibutan ko tu páppágyanan na u simbuwan moy.