Pahayag 3:10 - U Maganda A Baheta Ni Jesu-Cristo

¹⁰ Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 3:10 ပူးပေါင်းရင်းမြစ်များ

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Mateo 26:41

Magpuyat kam sakay manalangin tánni awan kam matalo nu tukso. U espiritu ay nakahanda pero mahina u bággi.”

Mateo 6:13

Sakay dyan ka pumayag a matoksu kame tu kasalanan nan iyadeyo mu kami ni Satanas. Dipo u kahariyan sakay u kapangyariyan ay kao mo hangganhanggan. Sakay hiko u mapuri tu atanan hangganhanggan. Amen.”

Markos 14:9

Tandaan moy, maski hádya a ipangaral u Maganda a Baheta ay mabanggit dila u ginimet na bilang pággala-ala nikuna.”

Lukas 2:1

Nadid, ti panahunan itod ay nagutus ti Agusto a Emperador ti Roma a dapat a magparihistro u atanan a tolay a nasakupan na.

Juan 17:6

Inpakilala taka tu tolay hide a inyatád mo nikán ti munduwáy. Kao mo hide sakay inyatád mo hide nikán, sakay sinunud de u upos mo.

Roma 1:8

Dipalongo tu atanan ay magpasalamaták tu Diyos tu pamamagitan ni Jesu-Cristo dipo nikam a atanan, dipo mabábbaheta dán u pánnampalataya moy tu buo a mundu.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

Efeso 6:13

Kanya isulot moy u atanan a armas a inyatád nu Diyos nikam. Tánni tu aldew a dumemát u kadukássan ay magimet moy a mákpaglaban. Sakay káttapos nu pákpaglaban moy ay matatag kam padi tu pánnampalataya moy.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Santiagu 3:12

Kákkapatkákka ko hide, awan maare a magbunga ti olibo u igus o u ubas ti igus. Konna labe ti iye a mas awan maare a magpisan a lumuwas u matablal a dinom sakay u maamba a dinom tu eessa a hábwayan.

1 Pedro 4:12

Kákkapatkákka ko hide, diyan kamon magtaka tu garabi a hirap a dáddanasán moy nadid a pagsubuk tu pánnampalataya moy. U tatahoden u atanan a simmampalataya ni Cristo ay magdanas ti kahirapan.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 11:10

Magsaya a tahod u atanan a tolay ti munduwáy dipo tu kákkatay ni duwwaan iye. Mamággatádden hide ti rigalo dipo tu kasayaan de, dipo i duwwaan iye a prupeta u nangatád nide ti dakál a kahirapan.

Pahayag 13:10

Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Pahayag 13:14

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.

Pahayag 14:6

Nadid, naketaák damman ti essa a anghel a magegbáh tu panganurin. Tatawed na u awan ti katapusan a Maganda a Baheta tánni ibaheta tu tolay hide ti munduway: tu bawat bansa, tu bawat lahe, tu bawat upos, sakay tu bawat banuwan.

Pahayag 16:14

Iye hide u dimonyo a mággimet ti makataka-taka a bagay. Maglebut hide ti munduwáy para ipunán u atanan nu hare para mákgera tu Diyos káddemát nu dakila a Aldew a intakda nu Diyos a Makapangyariyan tu atanan.

Pahayag 17:2

Natukuyan nikuna nu hare hide ti lutaáy u mágkahalay hide a gimet sakay u tolay hide ti lutaáy ay lininlang na kanya sinunud de u intáttoldu ni bábbiyan ina, ni mara ay linasing na hide tu alak nu kahalayan.”

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Pahayag 3:8

Tukoy ko u gággimitán moy hide. Tukoy ko a sabadit la u kakayanan moy, pero sinunud moy u toldu ko sakay nagin matapat kam nikán. Nan binukasan ko u pintuwan a sáddáppan moy a awan mesiradu nu maskin ti deya.

Pahayag 6:10

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?”

Pahayag 8:13

Káttapos ni itod ay naketaák ti agila a magegbáh tu kalawakan sakay nasaneg ko a makán pákhawán, “Makaánteng i mangyariyay tu katoy hide ti munduway, ni patánnugán dán nu tállo pa a anghel u trumpeta de hide!”