Pahayag 22:9 - U Maganda A Baheta Ni Jesu-Cristo

⁹ Pero kinagi na nikán, “Dyan mo ina gimitán! Tagapagserbiyák labe a kapareho mo, konna tu kákkapatkákka mo a prupeta, sakay u atanan a mangsunud tu upos hide ti libruwan iye. U Diyos i sambaán muway!”

Pahayag 22:9 ပူးပေါင်းရင်းမြစ်များ

Mateo 4:9

Sakay kinagi ni Satanas ni Jesus “Iyatád ku niko iye a atanan ni lumuhud ka sakay sumamba nikán.”

Lukas 4:7

Kaya ni hikán i sambaán muway ay magin kao mo iye hide a atanan.”

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

Pahayag 1:1

Nadid, iye u libro a sássulatan nu pahayag ni Jesu-Cristo tungkul tu bagay hide a adene dán a mangyare. Iye ay kinagi nu Diyos ni Jesu-Cristo para ipatukoy na iye nikitam a tagapagserbi na. Iye ay impahayag na ni Juan tu pamamag-itan nu pinaangay na a anghel.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 14:7

Sakay kinagi na ti mabegsák, “Magkahod kam ti ánteng tu Diyos, sakay parangalan moy siya! Dipo dimmemát dán u odas nu pághatul na. Sambaán moy u Diyos a nanglalang tu langet, tu luta, tu diget, sakay tu hábwayan hide!”

Pahayag 15:4

Maskin deya ay manteng niko Panginoon! Atanan ay mángpahayag tu kadakilaan mo! Dipo hiko la u banal! U atanan a bansa ay umadene sakay sumamba niko, dipo netan nu atanan u gimet mo a banal.”

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 22:10

Sakay kinagi na pa nikán, “Dyan mo ilihim u pahayag hide a katoy ti libruwan iye, dipo adene dán iye hide a mangyare.

Pahayag 22:18

Hikán ti Juan ay mangatád ti babala tu atanan a makasaneg tu hula hide a nakasulat ti libruwan iye: Ni deya man u mangdagdag tu atanan a lasán ni libruwan iye ay idagdag nu Diyos tu parusa na u atanan a salut a nakasulat he.

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 4:10

ay limmuhud u duwwa a pulo ay ti áppat a tagapangasiwa tu atubang nu trono. Sakay sinamba de u mággetnod hod, u mabiyag a hanggan-hanggan. Inyalay de u kurona de tu atubang nu trono sakay kinagi de,

Pahayag 9:20

Pero u tolay hide a awan natay ti iye hide a salut ay awan padi nagsise. Awan hide immadág sakay ummimang tu págsamba de tu dimonyo sakay tu diyos-diyosan a ginággimet di la be. Iye hide ay gimet tu ginto, pilak, tangso, bito, sakay kayo, a awan maketa, makasaneg, oni makalakad.