Pahayag 22:6 - U Maganda A Baheta Ni Jesu-Cristo

⁶ Sakay kinagi nikán nu anghel, “Maasaan sakay tatahoden iye hide a upos. U Panginoon a Diyos, a nángkaluub tu Ispirito na tu prupeta hide, u nangutus tu anghel na a ipakapospos tu tagapagserbi na hide u bagay hide a adene dán a mangyare.”

Pahayag 22:6 ပူးပေါင်းရင်းမြစ်များ

Mateo 13:41

Hikán a Anak nu Tolay ay paangayán ko u anghel hide para ibutan de u atanan a ginábwatan nu kasalanan sakay u atanan a maggimet ti madukás.

Lukas 1:70

Iye ay sigun tu inpananto na tu itod pa tu pamamag-itan nu prupeta na hide a malinis,

Lukas 16:16

“U kautusan ni Moises sakay u insulat nu prupeta hide u sassunudan nu tolay hide hanggan dummemat ti Juan a Mágbawtismo. Sapul hod ay nepangaral dán u Maganda a Baheta tungkul tu pághare nu Diyos. Kaya makpal u magpilit a magin kaparte hod.

Gimet 12:11

Sakay hod la a nahiwaswasan ti Pedro a bakán bál a taginap u nangyare nikuna. Kinagi na, “Nadid ku la a natukuyan a tatahoden bál iye a atanan! Pinaangay nu Panginoon u anghel na para iligtasák na ni Herodes sakay tu atanan a áasaan nu Judio hide a gimitán de nikán.”

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Roma 1:2

Iye a Maganda a Baheta a impananto nu Diyos tu itod pa a panahun tu pamamag-itan nu prupeta hide sakay nesulat tu Banal a Kasulatan,

1 Corinto 14:32

Sakay u tumanggap hide ti kaluub nu págpahayag ay dapat a magpugád hide tu sadile de sakay maguhay hide tu odas ni hide dán u magupos.

1 Corinto 7:29

Iye u gusto ko a kagiyán, kákkapatkákka: adene dán u netakda a panahun, kaya sapul nadid, u tehhod a kabanga ay mabiyag a kumán a madiket.

2 Tesalonica 1:7

Sakay hikam be a mághahirapán hide ay atádden na ti imangan moy a kaguman me. Mangyare ina tu kássole nu Panginoon Jesus a gábwat ti langet a kaguman nu makapangyariyan na hide a anghel.

Hebreo 12:9

Awan beman dáddisiplinaan kitam nu dáddakál tam hide, kaya igalang tam hide? Kanya lalo kitam a dapat a magpasakup tu disiplina nu Ama tam ti Ispirito, tánni mabiyag kitam.

2 Pedro 1:21

Dipo u hula nu prupeta hide ay bakán a gábwat tu isip nu tolay, nan tu Diyos. Pero tu tulung nu Banal a Ispirito ay impakapospos de u kinagi hide nu Diyos.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

Pahayag 1:1

Nadid, iye u libro a sássulatan nu pahayag ni Jesu-Cristo tungkul tu bagay hide a adene dán a mangyare. Iye ay kinagi nu Diyos ni Jesu-Cristo para ipatukoy na iye nikitam a tagapagserbi na. Iye ay impahayag na ni Juan tu pamamag-itan nu pinaangay na a anghel.

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!

Pahayag 19:9

Sakay kinagi nikán nu anghel, “Isulat mo iye: Pinagpala u naimbitaan tu kasal nu Tupa.” Sakay kinagi na pa, “Iye a kinagi ko ay tatahoden a upos nu Diyos.”

Pahayag 21:5

Kinagi nu mággetnod tu trono, “Baguwán ko dán u atanan a bagay!” Sakay kinagi na nikán, “Isulat mo iye: Maasaan sakay tatahoden iye hide a upos.”

Pahayag 21:9

Immadene nikán u essa tu pitto hide a anghel a te tatawed a pitto a malukung a putat tu pitto a katapusan a salut. Kinagi na, “Karon he, ta ipeta ko niko u bábbey a magin kabanga nu Tupa.”

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 4:1

Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”