Pahayag 22:19 - U Maganda A Baheta Ni Jesu-Cristo

¹⁹ Sakay ni deya man u mangibut tu agum a upos tu pahayag hide a nesulat he ay awan payagen nu Diyos a mákbahagi a kuman tu bunga nu kayo a makapangatád ti biyag, sakay ibutan nu Diyos u karapatan na a sumáddáp tu Banal a Banuwan a nakagi he.

Pahayag 22:19 ပူးပေါင်းရင်းမြစ်များ

Lukas 11:52

“Kakagbi kam maisto hide nu Kautusan! Inatádden kam ti tungkulin a ipangaral u upos nu Diyos, pero awan moy la impangaral dipo awan kam maniwala nikuna nan bawalan moy pabe u tolay hide a masoh a maniwala.”

Pahayag 1:3

U tolay a mangbasa oni mágsaneg sakay mangtupad tu atanan a nakasuslat ti iye ay pagpalaán nu Diyos! dipo i atananan iye ay adeni dán a mangyare.

Pahayag 11:2

Pero dyan mu dán sukatán u laguwerta nu templo, dipo neatád dán itod tu tolay hide a awan tumenggi tu Diyos. Awan de igalang u Banal a Banuwan tu alay nu áppat a pulo ay ti duwwa a bulan.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”

Pahayag 2:11

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay awan dán makadanas tu kaduwwa a kamatayan.

Pahayag 2:26

U magtagumpay sakay sumunud tu kagustuwan ko hanggan ti katapusan ay atádden ko siya ti kapangyariyan a mamahala tu bansa hide,

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.

Pahayag 21:5

Kinagi nu mággetnod tu trono, “Baguwán ko dán u atanan a bagay!” Sakay kinagi na nikán, “Isulat mo iye: Maasaan sakay tatahoden iye hide a upos.”

Pahayag 22:12

Kinagi ni Jesus, “Mágsaneg kam! Pademátták dán! Tawed ko dán u gantimpala hide a iyatád tu balang essa ayun tu ginimet na!

Pahayag 22:2

Magbulos iye tu bállog nu karsada nu banuwan. Tu magdibiliwan nu konayan ay te kayo a makapangatád ti biyag. Magbunga iye ti kada bulan kanya sapulo ay ti duwwa iye a beses a magbunga ti sataon, sakay makagamot u duu-duun na tu sake-saket nu tolay hide tu kada bansa.

Pahayag 22:7

Sakay kinagi ni Jesus, “Mágsaneg kam! Pademátták dán! Pinagpala u mangsássunud tu pahayag hide a katoy ti libruwan iye!”

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.