Pahayag 22:11 - U Maganda A Baheta Ni Jesu-Cristo

¹¹ U makán gimitán ti madukás ay magtulos-tulos a magpakadukás sakay u madangát ti kákkabiyag ay magtulos-tulos a magpakadangát. Pero u maggimet hide ti maganda ay magtulos-tulos a maggimet ti maganda. Sakay u banal ti kákkabiyag ay magtulos-tulos a magpakabanal.”

Pahayag 22:11 ပူးပေါင်းရင်းမြစ်များ

Mateo 15:14

Pabayan moy hide, buhák hide a tagagiyya. Ni u buhák u maggiyya tu buhák ay pareho hide a matápduk tu ábbut.”

Mateo 21:19

Netan na u essa a kayo nu igos tu degdig nu dilan sakay inadeniyan na iye. Pero awan siya ti netan a bunga ni awan u duuduun na la. Kaya kinagi na tu kayo nu igos, “Awan ka dán magbunga magpakahanggan!” Sakay pagdaka a nalanás iye.

Mateo 25:10

Kaya lummakad u limma a awan ti tukoy a mámmadiket. Alay de a namali, dimmemát u lállake a ikasal. U limma a nakahanda ay kaguman nu lállake a ikasal a nakasáddáp tu kasalan. Sakay insirado de u pintuwan nu bilay.”

Mateo 5:45

Tánni magin tunay kam a anak nu Ama moy a atoy ti langet. Dipo atádden na a parehas ti sinag sakay uden u mabait sakay u madukás a tolay.

Mateo 5:6

Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Juan 8:21

Huway a kinagi ni Jesus tu pinuno nu Judio hide, “Adeniyák dán a lumakad, pakaeehyukánnák moy, pero awan kam makaangay tu angayan ko. Matay kam a awan napatawad tu kasalanan moy hide.”

Efeso 5:27

Tánni meatubang na u mánnampalataya hide tu sadile na a maganda, banal, awan ti kapintasan sakay ányaman a dangát.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

2 Timoteo 3:13

Pero u tolay hide a mágkadukás sakay mapagkunware ay lalo pa a magpakadukás. Tulos-tulos hide a maglinlang. Pero awan de tukoy a pate hide ay nalinlang be.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.

Pahayag 16:21

Sakay naguden ti dáddakkál a iyelo a kumilo ti manga limmapulo u balang essa, sakay nágkatáppelan u katolayan. Dipo ti iye ay sinumpa nu katolayan u Diyos dipo ti iye a makaánteng a salut a dinanas de.

Pahayag 22:3

Awan ti ketan hod a ányaman a kaiyamutan nu Diyos. Nan u katoy hod ay u trono nu Diyos sakay u Tupa, sakay sambaán dán siya nu tagapagserbi na hide.