Pahayag 21:27 - U Maganda A Baheta Ni Jesu-Cristo

²⁷ Pero awan hod ti makasáddáp a ánya man a bagay a madangát tu pangileng nu Diyos, u makán gimitán ti madukás, sakay u mágkabule hide. Nan u makasáddáp laay hod tu banuwan ay u nakasulat u ngahan na tu libro nu Tupa. Dipo i librowan iye u sássulatan nu ngahan nu naatádden ti biyag a awan ti kahád.

Pahayag 21:27 ပူးပေါင်းရင်းမြစ်များ

Mateo 13:41

Hikán a Anak nu Tolay ay paangayán ko u anghel hide para ibutan de u atanan a ginábwatan nu kasalanan sakay u atanan a maggimet ti madukás.

Markos 7:2

Dipo netan de u disepulus hide ni Jesus a awan naguges ti kamát bagu a kinuman, a ayun tu kaugaliyan nu Pariseo hide.

Lukas 10:20

Pero dyan kam magsaya ta napasunud moy u mágkadukás hide a ispirito nan magsaya kam dipo nelista dán u ngaha-ngahan moy ti langet.”

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Filipos 4:3

Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

1 Timoteo 1:10

tu masássohán hide ti mahalay a biyag. Sakay tu masoh tu kapareho na a lállake, tu mággalap hide ti tolay, tu mágkabule hide sakay tu tumistigu hide ti kakabuliyan. U Kautusan ay nedátton para tu atanan a mangkontara tu tama a adal.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.

2 Pedro 3:13

Pero ayun tu pananto nu Diyos, ay maguhay kitam tu bigu a langet sakay bigu a luta a awan ti maski ánya man hod a kadukássan.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 20:12

Sakay netan ko a mágtaknág u nágkatay hide tu atubang nu trono, mágkataas man oni mágkababa. Sakay binuklat u libro hide, pati be u libro a listaan nu tolay hide a inatádden ti biyag a awan ti kahád. Hinatulan u nágkatay hide ayun tu ginimet de mentras biyag hide, konna tu nágkesulat tu libro hide.

Pahayag 20:15

Ni deya man u awan ti ngahan tu libro a listaan nu tolay hide a inatádden ti biyag a awan ti kahád ay ibut tu malawak a apoy.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 3:5

U magtagumpay ay pabaduwan be ti mapudew, sakay awan ko ibu-ibutan u ngahan na tu libro nu biyag. Tenggiyán ko siya tu atubang nu Ama ko sakay tu anghel ko hide.