Pahayag 21:22 - U Maganda A Baheta Ni Jesu-Cristo

²² Sakay napansin ko a awan ti templo tu banuwan dipo mismo a u Panginoon a Diyos a Makapangyariyan tu atanan sakay u Tupa u pinakatemplo hod.

Pahayag 21:22 ပူးပေါင်းရင်းမြစ်များ

Mateo 24:2

Pero kinagi na nide, “Ketan moy i bilayan iye hide? Pakatandaan moy! Dumemát u aldew a awan hina ti mabuhay a bilay. Atanan ay masida!”

Juan 10:30

Hikán sakay u Ama ay eessa kame.”

Juan 13:32

Ni mehayag u karangalan nu Diyos dipo nikán ay ihayag be a pagdaka nu Diyos u karangalan tu Anak sakay gimitán na itod a pagdaka.”

Juan 4:21

Kinagi ni Jesus nikuna, “Maniwala ka nikán, dumemát dán u panahun a awan kamon sumamba tu Ama ti bukidáy a iye oni ti Jerusalem.

Juan 4:23

Pero, dumemát dán u panahun sakay nadid dán ngane, autunay a pagsamba nu tolay tu Diyos a Ama ay pagsamba agabwat tu malinis a kaisipan sakay ayun tu tatahoden. Dipo konna he a kássamba u ehyukán nu Ama.

Colosas 1:19

Dipo netakda dán nu Diyos a he dán tu anak na u atanan a pagka-Diyos na.

Colosas 2:9

Kaya diyan kam padaya dipo u buo a pagka-Diyos ay katoy ni Cristo maskin nagin tolay siya.

Pahayag 1:8

Kinagi nu Panginoon a Diyos, “Hikán u Alpa sakay u Omega.” U Sapul sakay Katapusan nu atanan a bagay. Siya u Diyos a hoddán hina tu sapul pa, sakay katoy hanggan nadid, sakay hanggan-hanggan. Siya u Diyos a makapangyariyan tu atanan.

Pahayag 11:17

Kinagi de: “Panginoon a Diyos a Makapangyariyan tu atanan, Diyos tu kasalukuyan, sakay Diyos tu nakalipas. Magpasalamat kami niko dipo ginamit mo dán u kapangyariyan mo a awan ti kahád. Sakay magsapul ka dán a maghare!

Pahayag 14:4

Iye u lállake hide a awan nagkahod ti ánya man a kaugnayan tu bábbey; awan hide nákkabanga. Immunonod hide tu Tupa maskin hádya u angayan na. Iye u tolay hide a natubus ti munduway bilang purumero a alay tu Diyos sakay tu Tupa.

Pahayag 15:3

Mágkansiyon hide tu kansiyon ni Moises, a tagapagserbi nu Diyos sakay kansiyon be nu Tupa: “Panginoon a Diyos a makapangyariyan tu atanan, Dakila sakay makataka-taka u gimet mo hide! Hiko u Diyos nu bansa hide, Banal sakay tama u atanan a pámmalakad mo!

Pahayag 16:14

Iye hide u dimonyo a mággimet ti makataka-taka a bagay. Maglebut hide ti munduwáy para ipunán u atanan nu hare para mákgera tu Diyos káddemát nu dakila a Aldew a intakda nu Diyos a Makapangyariyan tu atanan.

Pahayag 16:7

Sakay nasaneg ko u boses a gábwat tu altar: “Panginoon a Diyos a makapangyariyan tu atanan, talaga a tama sakay makatarungan u hatul mo!”

Pahayag 19:15

Tehhod a magluwas tu labi na a matalas a áttak; gamitán na iye para pangdaig tu bansa hide. Paghariyan na hide ti sampilitan sakay awan ti sumuway nikuna. U tolay hide ti munduway a komontara tu Diyos ay iparanas na nide u págparusa nu Diyos a makapangyariyan tu atanan. Iye u gusto a kagiyan nu pagbulusán na tu págpáspássán ti ubas u alak nu iyamut nu Diyos.

Pahayag 4:8

Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he: “Banal, banal, banal, u Panginoon a Diyos a makapangyariyan tu atanan. U Diyos tu sapul, Diyos nadid sakay Diyos tu pademát.”

Pahayag 5:6

Sakay káttapos ay naketaák ti essa a Tupa a mágtaknág tu bállog nu tagapangasiwa hide. Sakay tu trono a napalebutan nu áppat a nilalang a biyag. Tehhod a tanda a nabuno dán iye a Tupa. Tehhod iye a pitto a saduk, sakay pitto a mata, iye u Ispirito nu Diyos a te pitto a gawain a pinaangay na ti buuwáy a mundu.

Pahayag 7:15

Kaya ina i dahilanay ni bakin katoy hide tu atubang nu trono nu Diyos, para magserbi nikuna aldew ay ti gibi tu templo. Sakay u mággetnod tu trono u magalaga nide.

Pahayag 7:17

Dipo u Tupa a katoy tu bállog nu trono u magin tagapag-alaga de. Iyangay na hide tu bukal a makapangatád ti biyag; sakay pahidán nu Diyos u luwa tu mata de, dipo awan dán ti dahilan para malungkut hide.”