Pahayag 21:21 - U Maganda A Baheta Ni Jesu-Cristo

²¹ U sapulo ay ti duwwa a pintuwan ay perlas, u balang essa ay gábwat ti essa la a perlas. U kakarsada tu banuwan ay puro a ginto sakay tunay a lekmang a konna tu bubug.

Pahayag 21:21 ပူးပေါင်းရင်းမြစ်များ

Pahayag 17:4

Nakabadu ti madideg sakay kulay ubi u bábbey. Sakay makpal siya a sulot a alahas a ginto, mahalaga a bito, sakay perlas. Tatawed na u tasa a ginto a putat tu kadukássan na sakay tu mágkalaswa na a gimet.

Pahayag 18:16

Kagiyán de, “Kakagbi u tanyag a banuwan! Tu itod, u tolay hod hide ay nabaduwan ti mágkamahal a damit, sakay sare-sare a alahas a konna tu ginto, mamahalin a bito, sakay perlas!

Pahayag 21:15

U anghel a kauhon ko ay te tatawed a págsukat a ginto para sukatán u banuwan konna bi hod u pintuwan na hide sakay tu kudal na a pader.

Pahayag 21:18

U ginamit tu kudal a pader ay bito a haspe, pero u banuwan ay puro a ginto, tunay a lekmang a konna tu bubug.

Pahayag 22:2

Magbulos iye tu bállog nu karsada nu banuwan. Tu magdibiliwan nu konayan ay te kayo a makapangatád ti biyag. Magbunga iye ti kada bulan kanya sapulo ay ti duwwa iye a beses a magbunga ti sataon, sakay makagamot u duu-duun na tu sake-saket nu tolay hide tu kada bansa.

Pahayag 4:6

Tu atubang nu trono ay tehhod a kumán a diget a bubug a tunay ti lekmang a konna tu kristal. Sakay nakapalebut tu bawat kanto nu trono u áppat a linalang a biyag a putat ti mata tu atubang ay tu adág.