Pahayag 21:10 - U Maganda A Baheta Ni Jesu-Cristo

¹⁰ Inggiyyaák nu Ispirito, sakay inyangayák nu anghel tu tunay ti langkaw a buked. Impeta na nikán u Jerusalem u Banal a Banuwan a pasidung a gábwat tu Diyos ti langet.

Pahayag 21:10 ပူးပေါင်းရင်းမြစ်များ

Gimet 8:39

Káawas de tu dinom ay inalap nu Ispirito nu Panginoon ti Felipe. Awan dán siya netan nu pinuno, nag tulos-tulos la siya tu páglakbay na a tehhod a kasayaan.

Galacia 4:26

Pero u kabanga na a ti Sara ay bakán a alipin sakay siya u pángparehuwan tu Jerusalem a katoy ti langet, sakay siya u ina tam dipo awan kitam alipin nu Kautusan.

Pahayag 1:10

Sakay mentras a heyák hod, netaun be a aldew tu itod nu pággipun-ipun para sumamba tu Pangioon Jesus, hikan ay inggiya nu Ispiritu nu Diyos sakay nasaneg ko tu áadággen ko u mabegsák a boses a kumán a tánnog ni trumpeta.

Pahayag 11:2

Pero dyan mu dán sukatán u laguwerta nu templo, dipo neatád dán itod tu tolay hide a awan tumenggi tu Diyos. Awan de igalang u Banal a Banuwan tu alay nu áppat a pulo ay ti duwwa a bulan.

Pahayag 17:3

Kattapos, ay inggiyyaák nu Banal a Ispirito, inyangayák nu essa a anghel tu parang. Netan ko hod u essa a bábbey a mágsakay tu madideg a makaánteng a hayup a te pitto a ulo sakay sapulo a saduk. Sumássulat tu bággi na u upos hide a pang-insulto tu Diyos.

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.

Pahayag 3:12

U magtagumpay ay ibilang ko a tolay ko magpakahanggan a konna tu adigi tu templo nu Diyos ko dipo mágyan dán siya hod hanggan-hanggan. Isulat ko nikuna u ngahan nu Diyos ko, sakay u ngahan nu banuwan nu Diyos ko. Iye ay u bigu a Jerusalem a sumidung a gábwat tu Diyos ko ti langet. Isulat ko be nikuna u bigu ko a ngahan.

Pahayag 4:2

Biglaák a inggiya nu Banal a Ispirito nu Diyos, sakay netan ku hod ti langet u essa a trono a tehhod a essa a mággetnod sakay u mággetnod hod.