Pahayag 21:1 - U Maganda A Baheta Ni Jesu-Cristo

¹ Nadid, káttapos ay netan ko u bigu a langet sakay u bigu a mundu. Dipo nawan dán u date a langet sakay u date a mundu; sakay awan dán be u diget.

Pahayag 21:1 ပူးပေါင်းရင်းမြစ်များ

Roma 8:21

Dipo dumemát u aldew a baguwán nu Diyos u atanan a bagay para awan ti mahunot sakay mesale hide tu maluwalhate a kalayaan nu anak hide nu Diyos.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

2 Pedro 3:13

Pero ayun tu pananto nu Diyos, ay maguhay kitam tu bigu a langet sakay bigu a luta a awan ti maski ánya man hod a kadukássan.

Pahayag 13:1

Nadid, naketaák ti makaánteng a hayup a immawas tu diget, tehhod siya a pitto a ulo sakay sapulo a saduk. Tehhod a kurona u bawat saduk, sakay tu bawat ulo ay te nakasulat a ngahan a mang-insulto tu Diyos.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.

Pahayag 21:5

Kinagi nu mággetnod tu trono, “Baguwán ko dán u atanan a bagay!” Sakay kinagi na nikán, “Isulat mo iye: Maasaan sakay tatahoden iye hide a upos.”

Pahayag 6:14

Nawan u langet a konna tu kasulatan a bigla a nalukot. Sakay u buked ay tu puduk ay neagton gábwat tu date de a págyanan.