Pahayag 20:4 - U Maganda A Baheta Ni Jesu-Cristo

⁴ Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 20:4 ပူးပေါင်းရင်းမြစ်များ

Mateo 19:28

Kinagi nide ni Jesus, “Pakatandaan moy iye: ni maghare dán u Anak nu Tolay tu kapangyariyan na tu paddemát a mundo a itatag nu Diyos, hikam a sumunod nikán ay maatádden labe ti kapangyariyan para hatulan u sapulo ay ti duwwa a lahi ni Israel.

Mateo 24:10

Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya.

Markos 6:16

Nikuna masaneg iye ni Herodes ay kinagi na, “Siya ti Juan a pinaputol ko ti ulo. Nabiyag siya a huway.”

Markos 6:27

Kanya pagdaka a inutusan ni Herodes u essa a sundalo a iyangay na nikuna u ulo ni Juan. Simmunud ngani u sundalo sakay pinutolan na ti Juan tu disalad nu piresuwan.

Markos 9:11

Sakay tinanung de ti Jesus, “Bakin a kákkagiyán nu tagapagtoldu hide tu Kautusan a kailangan kan pa a dumemát ti Elias bagu a dumemát u tagapagligtas ti munduwáy?”

Lukas 1:17

Mágdipalongo ti Juan tu Panginoon, u begsák sakay u kapangyariyan na ay konna ni prupeta a Elias, para pamágkasunduwán na a huway u ama, sakay u anak de hide. Pasoliyán na u tolay hide a masássuwayán tu Panginoon tu págsunud tu paraan a makasaya tu Diyos tánni makapaghanda hide tu káddemat nu Panginoon.”

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Lukas 22:30

Kapisan takam a kuman sakay uminom tu kahariyan ko, sakay mággetnod kam tu trono hide para mamahala tu sapulo ay ti duwwa a lahe ni Israel.”

Juan 14:19

Sabadit dálla a panahun ay awanák dán ketan nu taga-mundo hide, pero ketanák moy. Sakay dipo biyagák, hikam be ay mabiyag.

Roma 11:15

Ni u pángpabaya nu Diyos tu Judio hide u nagin dilan tánni sumole nikuna u atanan a tolay ti munduway, awan beman mas lalo a maganda u resulta ni u Judio hide ay huway a tanggapán nu Diyos? Awan beman kumán labe hide a biniyag a huway.

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

2 Timoteo 2:12

Ni pagtiisan tam u hirap sakay awan kitam umimang tu kássunud ni Jesus, Ay maghare kitam be a kaguman na. Ni ikasanike tam siya tu atubang nu tolay hide, Ay ikasanike na kitam be.

Pahayag 1:2

Kinagi ni Juan u atanan a netan na tungkul tu impahayag nu Diyos sakay pinatunayan ni Jesu-Cristo.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 11:11

Pero kállipas nu tállo ay ti kalahate a aldew ay biniyag hide a huway nu Diyos, sakay timmaknág hide. Kaya konna dálla hod u ánteng nu naketa hide nide.

Pahayag 11:15

Nikuna patánnugán dán nu kapitto a anghel u trumpeta na ay tehhod a mágkabegsák a boses a gábwat ti langet a nagupos, “U pághare ti munduwáy ay neagton dán tu Panginoon tam sakay ni Cristo. Maghare siya hanggan-hanggan”

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”

Pahayag 11:7

Sakay káttapos de a magbaheta tu upos nu Diyos ay umawas tu ábbut a tunay ti kadsalad u essa a makaánteng a hayup sakay mákpaglaban nide. Matalo hide sakay mabuno nu hayup.

Pahayag 12:11

Tinalo de u Diyablo tu pamamag-itan nu dige nu Tupa, sakay tu upos nu Diyos a impahayag de sakay awan hide nanghinayang tu biyag de maski hanggan tu kákkatay.

Pahayag 14:11

U asok nu apoy a mangpáppahirap nide ay tulos-tulos a paontok hanggan-hanggan. Aldew ay ti gibi ay makánhirapán u simmamba hide tu makaánteng a hayup sakay tu rebulto na, sakay u natatakan hide tu ngahan na.”

Pahayag 15:2

Naketaák ti kumán a diget a bubug a maggehab. Netan ko be u nangtalo hide tu makaánteng a hayup sakay tu awan hide simmamba tu rebulto na, sakay u awan hide natatakan tu ngahan na a katumbas nu nomiro a 666. Mágtaknág hide tu diget a kumán a bubug, táttawed de u alpa a inyatád nu Diyos.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 2:26

U magtagumpay sakay sumunud tu kagustuwan ko hanggan ti katapusan ay atádden ko siya ti kapangyariyan a mamahala tu bansa hide,

Pahayag 20:6

Pinagpala sakay Banal u makaguman hide tu purumero a págbiyag. Awan ti kapangyariyan nide u kaduwwa a kákkatay; magin saserdote hide nu Diyos sakay ni Cristo, sakay maghare hide a kaguman na tu alay nu sanglibu a taon.

Pahayag 22:5

Sakay awan dán hod ti gibi, kaya awan dán kailangan u simbuwan oni demlag nu aldew dipo u Panginoon a Diyos u magin demlag de. Sakay maghare hide hanggan-hanggan.

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.

Pahayag 4:4

Nakapalebut bi hod u duwwa a pulo ay ti áppat a trono. Sakay mággetnod hod u duwwa a pulo ay ti áppat a tagapangasiwa a nakasulot ti mágkapudew a badu sakay te manga kurona hide a ginto.

Pahayag 6:9

Nikuna a ibutan nu Tupa u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he.

Pahayag 7:3

Kinagi na, “Dyan moy palla sidaán u luta, u diget, sakay u kakayowan. Mentaras awan tam palla namarkaan u kidáp nu tagapagserbi hide nu Diyos.”