Pahayag 20:3 - U Maganda A Baheta Ni Jesu-Cristo

³ sakay imbut nu anghel tu ábbut a awan ti kahád ti kadsalad. Insiradu na u ábbut sakay tinatakan na u pintuwan tánni awan siya makaluwas sakay makapagdaya tu bansa hide mentaras awan matapos u sanglibu a taon. Pero káttapos ni itod ay mapalaya siya ti sabadit a panahun.

Pahayag 20:3 ပူးပေါင်းရင်းမြစ်များ

Mateo 24:24

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

Mateo 27:66

Kaya immangay hide sakay dináttonan de ti senyal u pintuwan a bito sakay pinabantay de u lábbang tánni masigudo de a awan iye maahikad ni ti deya man.

Markos 4:15

sakay u bine hide a netákneg tu dilan ay u tolay hide a nakasaneg tu Upos nu Diyos. Pero tu káddemát ni Satanas ay inagew na u Upos nu Diyos a nasaneg de.

Lukas 8:31

Sakay nákkekagbi u mágkadukás hide a ispirito a dyan hide pasegbuwán ni Jesus tu abbut a awan ti kahad.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

2 Pedro 3:8

Pero dyan moy nakwa kali-kalimunan, mahal ko hide a kákkapatkákka: a tu Panginoon, u essa a aldew ay kumán a sanglibu a taon, sakay u sanglibu a taon ay kumán la a saldew.

Pahayag 12:9

U dragon, a dáddulawán be a biklat tu itod a panahun, u ngahan na ay Diyablo oni Satanas. Siya u nangdaya ti buuwáy a mundu. Imbut siya ti munduway, kaguman u nasakupan na hide.

Pahayag 13:14

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade.

Pahayag 17:2

Natukuyan nikuna nu hare hide ti lutaáy u mágkahalay hide a gimet sakay u tolay hide ti lutaáy ay lininlang na kanya sinunud de u intáttoldu ni bábbiyan ina, ni mara ay linasing na hide tu alak nu kahalayan.”

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 20:1

Nadid, káttapos ni itod ay naketaák ti anghel a pasidung a gábwat ti langet, tatawed na u suse nu ábbut a awan ti kahád ti kadsalad sakay u dakál a kadena.