Pahayag 2:23 - U Maganda A Baheta Ni Jesu-Cristo

²³ Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.

Pahayag 2:23 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Juan 4:16

Nadid, kinagi ni Jesus nikuna, “Sole ka dán sakay kuyugán mo he u kabanga mo.”

Gimet 1:24

Sakay bagu hide a nangpile ay nagdasal hide, “Panginoon, hiko u nakatukoy tu puso nu atanan a tolay. Kanya ipeta mo ped nikame ni ti deya u dapat me a piliyán ti duwwaan iye,

Roma 14:12

Kanya atanan tam ay managut tu Diyos tu atanan a ginimet tam.

Roma 8:27

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

Galacia 6:5

Dipo managut u bawat essa tu sadile de a ginimet.

Hebreo 4:13

Awan ti metagu tu Diyos, áelingán na a atanan. Sakay tábbegan tam nikuna u atanan a ginimet tam.

1 Pedro 1:17

Pare-pareho u pangileng nu Diyos nikitam a atanan. Hatulan na u balang essa a ayun tu ginimet na. Kanya ni dulawán tam a Ama u Diyos ni magdasal kitam ay dapat tam labe siya a igalang, mentaras a biyag kitam palla.

Pahayag 2:11

Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay awan dán makadanas tu kaduwwa a kamatayan.

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”

Pahayag 20:12

Sakay netan ko a mágtaknág u nágkatay hide tu atubang nu trono, mágkataas man oni mágkababa. Sakay binuklat u libro hide, pati be u libro a listaan nu tolay hide a inatádden ti biyag a awan ti kahád. Hinatulan u nágkatay hide ayun tu ginimet de mentras biyag hide, konna tu nágkesulat tu libro hide.

Pahayag 20:13

Sakay inyobla nu diget u nágkatay hide a katoy hod. Inyobla be nu luta sakay nu Hades u nágkatay hide a katoy nide. Hinatulan u atanan ayun tu ginimet de.

Pahayag 22:12

Kinagi ni Jesus, “Mágsaneg kam! Pademátták dán! Tawed ko dán u gantimpala hide a iyatád tu balang essa ayun tu ginimet na!

Pahayag 6:8

Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.